LEXO PA REKLAMA!

SHKARKO APP

“Babalja” informacione për Martinajn, Çapjat e Talo Çelën?/ A duhet të thirret Ervin Salianji në SPAK

6 Tetor 2022, 11:44, Aktualitet CNA

“Babalja” informacione për Martinajn, Çapjat e Talo

Ervin Salianji, deputet i PD-së, i dënuari nga gjykata e Shkallës së Parë për çështjen "Babale", ka përmendur në seancë plenare informacione në lidhje me personat në kërkim.

Ervis Martinaj, Çapjat e Talo Çela kanë qenë emrat e  lakuar nga Salianji.

Sipas Salianjit, policia e ka lajmëruar Ervis Martinajn 5 minuta para se të shkonte në dhomën e hotelit ku ai qëndronte.

 “5 minuta para se të shkonte në hotel, e keni lajmëruar që të largohet, se keni pasur tjetër plan”, ka thënë Salianji.

I njëjti ka vijuar edhe më tej duke folur për operacionin “Plumbi i artë”.

 “'Plumbi i Artë', u konfirmua që u dekonspirua. Nga 33, kapët 18 persona. Ju kanë ikur personat me rekordet më të tmerrshme. Dini gjë ku është Talo Çela? Kur e di 'Daily Maily' që lëviz nëpër Tiranë, i bie që s’ka vullnet. Po Fatos Goxho. Po Martinaj? Gjallë a vdekur? Çapajt? Ish-drejtori i përgjithshëm i policisë thotë që më ka rrjedhur informacioni,”  ka thënë Salianji.

Në fakt nga hetimet e Agjencisë së Mbrojtjes Policore rezultoi se operacioni “Plumbi i artë”, nuk është dekonspiruar, ndaj Salianji duhet të thirret nga drejtësia dhe të japë informacionin që ka për këtë çështje.

Gjithashtu Ervin Salianji duhet të thirret për rastin e Ervis Martinajt, meqë ka informacion se është lajmëruar nga policia për t’u larguar nga hoteli ku qëndronte apo edhe për rastet e tjera që ka përmendur./CNA.al

Lajmet e fundit nga