web counter
LEXO PA REKLAMA!

SHKARKO APP

App Store
Google Play

E fundit!

x

Salianji para gjyqit thërret Çuçin

6 Tetor 2022, 11:10, Aktualitet CNA

Salianji para gjyqit thërret Çuçin

Ervin Salianji, deputet i Partisë Demokratike, është dënuar nga gjykata e Shkallës së Parë me 1 vit burg në lidhje me çështjen ‘Babalja’.

Tashmë çështja është në Apel dhe Ervin Salianji rrezikon të shkojë në burg.

Në prag të gjyqit, Salianji ka filluar të jetë më i zëshëm.

Sot në seancën parlamentare ai ka kërkuar interpelancë me Ministrin e Brendshëm, për situatën e krimit në vendin tonë.

Jo se është i shqetësuar për krimin apo për ndërtimet pa leje, por se ka hallin e gjyqit.

“Të kemi shpallur në kërkim, jemi bërë si ju me kriminelët, ju shohim, por nuk ju kapim dot, prej vitesh kriminaliteti është i rënduar, të gjithë ndeshen me pafuqinë e drejtuesve të policisë së shtetit që reflektohet edhe të policët e thjeshtë.

A ka plan qeveria dhe Ministria e Brendshme për të luftuar krimin, nëse po cili, ka një objektiv të shkruar që duhet të punojë, masat e marra nga qeveria për të ndryshuar gjendjen e krimit të organizuar, a ka ndikuar dështimi i OFL dhe Vettingut për t’i dhënë krah krimit”, ka pyetur Salianji.

Nga ana tjetër Çuçi është përpjekur t’i shpjegojë Salianjit rolin e Ministrit përballë policisë.

Çuçi ka thënë se ministri nuk ndërhyn në pavarësinë operacionale të shërbimit të policisë.

Më tej ai ka radhitur prioritetet dhe objektivat e Policisë, duke cituar këtu edhe raportet njëvjeçare të policisë.

“Do të reformojmë policinë kriminale. Po identifikojmë pikat e forta dhe të dobëta në nivel qëndror dhe vendor”, është shprehur Çuçi./CNA.al

 





Lajmet e fundit nga