E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

Bilanci i drejtësisë mbi inceneratorët

7 Korrik 2022, 11:15, Opinione Ylli Manjani

Lefter Koka u harrua në paraburgim nën dyshimin se ka përfituar 3 milionë euro të shkarkuara nga 6 kompani njëpërdorimshe. Gjithmonë, nën dyshim.

Asnjë cent nga këto 3 milionë eurot e supozuara si bakshish nuk është gjetur e sekuestruar.

Por mbahet në paraburgim edhe nën dyshimin se ka shpërdoruar detyrën. 2 prokurorë të SPAK-ut veç e veç e akuzojnë dhe e mbajnë në paraburgim, a thua se nuk punojnë në të njëjtën prokurori!!! Madje, prokurori i dytë e arreston të arrestuarin nga prokurori i mëparshëm. Për të qeshur e për të qarë. Po ky është fakt.

Por në fund të fundit Lefteri nuk akuzohet se vodhi shtetin.

Në anën tjetër janë 130 milonë euro të pastra që i janë vjedhur shtetit ashiqare plot 2 herë dhe jo me 6, por me 24 firma fantazmë!!! Firma me pronarë në azilet e pleqve e jo vetëm... 24 firma fantazmë që na paskan operuar pa dijeninë kolektive të shtetit!!!

Ka ndonjë peshk që e ha ende këtë karrem të trashë fare?!

I vodhën ato para herën e parë sepse u dhanë nga shteti për një punë që nuk bëhet, se incenerator nuk ka. Dhe me transaksionet e sajuara me 24 kompanitë fantazmë shteti vidhet për herë të dytë, sepse nuk merr as tatimet që duhet të dilnin nga pronari i biznesit.

E vodhën dhe e rropën shtetin. Paratë e taksave tona plot dy herë.

Por për këtë megavjedhje nuk është askush në paraburgim...

Ky është (zh)bilanci i drejtësisë së re me inceneratorët.

Ah po, këtij bilanci i shtohet edhe më shumë zhbalancimi, me paraburgosjen e Alqit dhe Pëllumb Abeshit. Ky i fundit krejt pa lidhje, po fare fare me gjënë!

Drejtësi e drejtë si drapri.

Rilindi edhe drapri se i mungonte panoramës... Drapri i Stalinit dhe çekani i Edvinit.

Si tha ajo mo, si tha?

"Askush nuk është mbi ligjin."

Ha ha ha ha ha ha ha ha...

Pra, kur vidhet shteti dyfish quhet ligj. Kështu edhe ajo është në rregull.

Por ky shtet me bilance të tilla quhet mafie./CNA.al