web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar për inceneratorët/ Stela Gugallja dhe Klodian Zoto kërkojnë azil politik në Vjenë

16 Maj 2022, 19:04, Aktualitet CNA

Stela Gugallja dhe Klodian Zoto, dy personat e shpallur në kërkim pas hetimit të SPAK-ut për inceneratorin e Elbasanit, kërkojnë azil politik në Vjenë të Austrisë.

Lajmin e ka bërë të ditur mbrëmjen e sotme kryetarja e LSI-së, Monika Kryemadhi, në një intervistë në “Syri Tv”.

?Janë bashkëjetues dhe jetojnë në Vjenë. Dhe po luftojnë për të marrë azil politik sepse është nga problemet e tjera që kanë të bëjnë. Do t’ju sugjeroja t?i kërkonit Interpolit Shqiptar nëse janë të informuar për jetën e Stela Gugalljas, Klodian Zotos dhe Mirel Mërtirit. Megjithatë, Mirel Mërtiri nuk është i përfshirë në dosjet që ne kemi çuar në Prokurori për inceneratorët e Elbasanit, Fierit dhe Tiranës?, theksoi ajo.

Kujtojmë se Stela Gugallja është pronarja e kompanisë Albtek Energy, ndërsa Klodian Zoto, pronar i kompanisë Integrated Technology Services.

Ata vijojnë të jenë në kërkim në kuadër të hetimeve për koncesionin e inceneratorit të Elbasanit.

Mbi të dyshuarit rëndojnë akuzat e korrupsionit të zyrtarëve të lartë dhe të pastrimit të parave.

Ndërkohë, pas hetimit të SPAK-ut për inceneratorin e Elbasanit, është arrestuar ish-ministri i Mjedisit, Lefter Koka, me akuzat për korrupsion, pastrim parash dhe shpërdorim detyre./ CNA.al

Afera e inceneratorëve/ Shpallen në kërkim ndërkombëtar Klodian Zoto e Stela Gugallja

51 fakte dhe dokumente për aferën e inceneratorëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë





Lajmet e fundit nga