web counter
LEXO PA REKLAMA!

SHKARKO APP

App Store
Google Play

Shqipëria, eksportuese e energjisë/ Balluku: Furnizuese edhe për rajonin

16 Maj 2022, 12:55, Aktualitet CNA

Ministrja e Infrastrukturës dhe Energjetikës, Belinda Balluku, ka deklaruar se Vlora së shpejti do të bëhet një burim i rëndësishëm i furnizimit me energji në Shqipëri.

?Është një moment i shënuar për një nga projektet tona më të rëndësishme dhe strategjike që ka të bëjë me gazifikimin e Shqipërisë, duke ju referuar projektit të termocentralit të Vlorës, të pjesës gazifikuese të portit lundrues që do të ndërtohet në Vlorë dhe pa dyshim të një hapi të madh që ne po hedhim duke e kthyer këtë projekt, nga një projekt që kishte të bënte vetëm me vendin tonë, pra nga një projekt lokal në një projekt rajonal?, u shpreh Belinda Balluku.

Ministrja nënvizoi se ky terminal i furnizimit me gaz do t?i shërbejë edhe rajonit dhe është një hallkë që do ta kthejë Shqipërinë në eksportuese të energjisë në vitin 2030.

?Do të thoja që sigurisht ai tregu i vogël që ne na bënte shumë skeptikë në fillim duke u zgjeruar me iniciativën e ‘Ballkanit të Hapur’, tashmë shikohet si një treg prej 17 milionë qytetarësh, të cilët mund t’u drejtohen shërbimeve që janë të lidhura me gazin në një mënyrë të drejtpërdrejtë?, u shpreh më tej ministrja.

Marrëveshja u nënshkrua mes kompanive Overgas dhe Albgaz, ku të pranishëm ishin kryeministri Edi Rama dhe ish-Sekretari i Shtetit, Mike Pompeo./ CNA.al





Lajmet e fundit nga