web counter
LEXO PA REKLAMA!

SHKARKO APP

App Store
Google Play

E fundit!

x

Çela “jep llogari” në KLP/ Justifikohet me pandeminë e Covid-19

16 Maj 2022, 11:14, Aktualitet CNA

Prokurori i Përgjithshëm, Olsian Çela, ka paraqitur në KLP raportin vjetor lidhur me veprimtarinë e sistemit të prokurorisë gjatë vitit 2021.

Çela është shprehur se janë marrë masa për veprën penale për pastrimin e parave.

?Për sa i përket performcanës së prokurorive, Tirana mban rekord me 9149 procedime të regjistruara pranë gjykatës së shkallës së parë.

Po ashtu, sipas tij, nga analiza në përqindje e raportit të çështjeve të përfunduara me procedimet e regjistruara në secilën prokurori për vitin 2021 evidentohet performancë më e ulët në Prokuroritë e rretheve gjyqësore Sarandë, Lushnje, Gjirokastër, Kavajë, Tropojë me tregues të përformancës nën 70%, etj, ndërsa performanca më e lartë evidentohet në Prokuroritë e Rretheve Gjyqësore Pukë, Kukës, Mat e Fier.

Të dhënat sipas secilës prokurori për vitin 2021 që tregojnë totalin (volumin e punës) janë: -18192 çështje të mbartura, -28349 çështje të regjistruara, -934 çështje të rifilluara dhe -13501 procedime të mosfilluara?, ka deklaruar Çela.

Po ashtu Çela tha se pandemia dhe Vettingu kanë krijuar probleme dhe vakanca, duke penguar kështu punën e prokurorisë.

“Viti i pandemisë krijoi probleme në sistemin e prokurorisë edhe vettingu ka krijuar shumë probleme me vakancat. Kemi marrë masa për veprën penale për pastrimin e parave. Përgjatë vitit 2021,mungojnë 116 prokurorë në sistem. Kemi kërkuar rritjen me një numër prej 250 OPGJ, por deri tani janë emëruar vetëm 25″, tha Çela./ CNA.al

Raporti i plotë: Raport i PP ne KLP per vitin 2021 14 Maj 2022





Lajmet e fundit nga