Akuzat për lobim nga gazeta austriake për Presidentin/ Meta “lëshon” Blushin

16 Maj 2022, 10:27, Aktualitet CNA

Pas denoncimit nga gazeta austriake, ?Kronen Zeitung?, e cila shkruan se, presidenti Ilir Meta pagoi 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inaugurimit të Presidentit Amerikan Donald Trump, ka reaguar presidenca.

Në reagimin e tij, thuhet se kjo është një shpifje dhe se, Presidenti ka autorizuar stafin dhe mbrojtësit ligjorë, që të përgatisin menjëherë padinë ?Për përhapjen e të dhënave të pavërteta?, ?Shpifje?, ?Cenim të imazhit publik.

?Presidenti i Republikës, Sh.T.Z Ilir Meta është njohur sot me një shkrim pa autor të publikuar në gazetën austriake ?Kronen Zeitung?, artikull që përmban veçse shpifje dhe gënjeshtra, të hershme dhe të konsumuara prej vitesh.

Këto shpifje,mjerisht të fabrikuara dhe të hedhura në tregun mediatik edhe kohë më parë, e kanë marrë përgjigjen shumë të qartë dhe në mënyrë asgjesuese, që në prill të vitit 2018.

Edhe kjo përpjekje e radhës, e rifabrikuar në mënyrë qesharake dhe vulgare, do të marrë përgjigje përpara drejtësisë austriake.

Presidenti i Republikës, ka autorizuar stafin dhe mbrojtësit ligjorë, që të përgatisin menjëherë padinë ?Për përhapjen e të dhënave të pavërteta?, ?Shpifje?, ?Cenim të imazhit publik?, që në këtë rast cenon rëndë edhe interesat e larta shtetërore.

Në këtë mënyrë, shpifësit do të marrin përgjigjen e merituar përballë drejtësisë.

Presidenti i Republikës garanton se beteja e Tij për mbrojtjen e interesit publik dhe luftën kundër korrupsionit, jo vetëm që nuk do të ndalet, por do të përshkallëzohet, që nga zbardhja e plotë e aferës së inceneratorëve (që deri tani vetëm sa është gërvishtur), si dhe të gjitha aferat e tjera?, thuhet në reagim./ CNA.al

Afera 700.000$ e presidentit shqiptar/ Gazeta austriake denoncon skandalin, kërcënohet me jetë personi që zbuloi faktet