E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Deklarata e Paunoviç, kërcënim ndaj gjithë shqiptarëve

17 Korrik 2026, 13:38, Opinione Refik Hasani

Deklarata e Paunoviç, kërcënim ndaj gjithë

Deklarata e Snezhana Paunoviç, ministre në qeverinë e Serbisë, nuk është një nga deklaratat e para të zyrtarëve më të lartë të Serbisë, që bën një ofendim të rëndë duke përdorur një gjuhë me plot urrejtje, racizëm dhe ksenofobi.

Në Serbi, gjithnjë e më shumë po hasen, janë shkruar pankarta me mbishkrime publike, ku shprehet gjuha e urrejtjes dhe kërcënimet e hapura publike ndaj neve shqiptarëve. Edhe deklarata më e rëndë ofenduese është publikuar së fundi edhe nga Ana Brnabiç, ish-kryeministre e Serbisë, e citojmë: ''Mos kërkoni të drejta, mjafton që nuk po ju vrasim'', aktualisht Kryetare e Parlamentit të Serbisë. Kurse mbishkrimet, pankartat ''Vdekje shqiptarëve'', hasen të shkruara gjithëandej nëpër qytetet e Serbisë.

Unë e konsideroj një gjuhë dhe nxitje të urrejtjes-kërcënim, jo vetëm kundër shtetit të Republikës së Kosovës, por janë duke kërcënuar kundër gjithë shqiptarëve. Deklarata e Snezhana Paunoviç, Ministre e Serbisë, më së rëndi përjetohet tek shqiptarët etnikë e autoktonë në Krahinën e Luginës së Preshevës.

Deklarata e Snezhana Paunoviç, Ministre e Serbisë, deklarata e mëhershme nga Ana Brnabiç, aktualisht Kryetare e Parlamentit të Serbisë, si dhe mbishkrimet, pankartat ''Vdekje shqiptarëve'', shqiptarët etnikë e autoktonë në Krahinën e Luginës, që përfshin Preshevën, Medvegjën dhe Bujanocin, mendoj përjetohet shumë rëndë.

Se nëse pastrimi etnik nuk u arrit në Kosovë, ky është një mesazh se Serbia do të realizojë pikërisht në Preshevë, Medvegjë dhe Bujanoc.

Kjo është droja e madhe që dominon, pasi vazhdohet se statusi politik i Krahinës shqiptare, të mbetur padrejtësisht nën administrimin e Serbisë, nuk është zgjidhur ende, përkundër vullnetit plebishitar të kësaj Krahine, Referendumit të datës 1 e 2 mars 1992, dhe kryengritjes së armatosur të UÇPMB-së, që mbrojti pragun, dinjitetin dhe identitetin e kësaj Krahine, por edhe arritjes së Marrëveshjes së Konçulit.

Kjo deklaratë e Snezhana Paunoviç, Ministre e Serbisë, në mesin e qytetarëve të kësaj krahine, instalon një pasiguri të plotë, kështu mbjell frikë, e një psikozë të bazuar, e shton panikun dhe drojën. Kjo prodhon efekte tepër negative, posaçërisht tek shqiptarët, që në Serbi jetojnë në kushte të diskriminimit klasik. Është demotivim për rininë dhe kuadrot e shkolluara, duke i ekspozuar frikës, urrejtjes, militarizimit, nën tendenca të vazhdueshme për shpërngulje, migrim e asimilim.

Pas kësaj deklarate nga një Ministre e Serbisë, do të duhej të alarmohen dhe të jetë një paralajmërim shumë serioz. Është më se e domosdoshme të shtohet prezenca dhe monitorimi nga ndërkombëtarët në Rajonin e Preshevës, Medvegjës dhe Bujanocit. Serbia po zbaton pa zhurmë dhe krejt në heshtje një strategji të qartë dhe, me veprime konkrete, po arrin ta shpopullojë zyrtarisht Preshevën, Medvegjën e Bujanocin. Pasivizimi i adresave, që njëmend është pastrim i organizuar shtetëror etnik.