web counter
LEXO PA REKLAMA!

SHKARKO APP

App Store
Google Play

E fundit!

x

Tjetër fakt për një mashtrues publik

16 Korrik 2026, 14:30, Denoncim CNA

Tjetër fakt për një mashtrues publik

Kryebashkiaku i arrestuar i Tiranës me 13 akuza për 5 vepra të rënda penale, Erion Veliaj, kur themeloi partinë e tij “G99” deklaroi se nuk do të ndërhynte në jetët personale të askujt, por do të bazohej në integritet.

Tjetër fakt për një mashtrues publik
Deklarata e Veliajt kur themeloi G99

Jo më kot është quajtur gënjeshtar i lindur. Që kur i ka hyrë rrugës së politikës nuk ka bërë gjë tjetër veçse ka gënjyer. Dhe deklarata e tij se nuk do të ndërhyjë në jetët personale të askujt është një mashtrim publik si ai i Griseldës në Kavajë, apo lobimet në SHBA, apo me shtesat për lejet e prokurorëve që nuk i tregoi kurrë.

Ky që do të bënte një parti që do të kishte integritet dhe nuk do të ndërhynte në jetët personale të njerëzve ka treguar të kundërtën përgjatë 18 viteve. Pas 18 viteve, ky Erioni që deklaronte në 2008 se nuk do të ndërhynte në jetët personale të njerëzve nuk ka lënë njeri pa përgojuar.

Përfshirë politikanë, prokurorë, gjyqtarë, ministra, gazetarë. Rastet janë të shumta, ne do të sjellim disa prej tyre.

Rasti ndaj prokurorit Ols Dado.

Ndaj tij Erion Veliaj prej më shumë se një viti ka ndërmarrë një betejë sulmesh. Publikisht ka tentuar ta intimidojë, kërcënojë, duke i përmendur banesën, duke e quajtur: “Prokurori lunatik, fyerje e gjallë e inteligjencës njerëzore, individ pervers, 'Gomari i Babatasit'” e shumë etiketime të tjera.

CNA i ka nxjerrë me fakte, të cilat mund t’i lexoni në këtë link.

Rasti ndaj Erion Banit

Pas hetimeve të kryera ndaj tij dhe bashkëshortes së tij, Erion Veliaj sulmoi ashpër edhe gjyqtarin Erion Bani duke e quajtur adashi kasap i prokurorit Ols Dado, si dhe gjykatësi i thertores. (Klikoni Këtu)

Rasti ndaj ish-ministrit të Drejtësisë, Ulsi Manja

Në përgjimet e bëra publike nga CNA, Veliaj nga qelia e burgut të Durrësit shprehej me një gjuhë denigruese dhe fyese ndaj ministrit të Drejtësisë në atë kohë, Ulsi Manja. Ulsi qelbësira, qelbësirë, katunar i ndyrë. (Klikoni këtu)

Rasti ndaj kreut të PD-së, Sali Berisha

Erion Veliaj nuk ka lënë njeri pa përgojuar dhe fyer. Këtë e ka bërë edhe ndaj kreut të PD-së, Sali Berisha. Pas një deklarate të Berishës, i cili shprehej se Veliaj ishte arratisur nga Shqipëria për shkak të hetimeve që po kryheshin ndaj tij, kryebashkiaku iu përgjigj në këtë mënyrë:

“O Sali, o kërmë, që paske dhënë lajmin se jam arratisur nga Shqipëria, meqë ndonjë nga çimkat e tua më paska parë në avion. Po shkoj në Amerikë, për takime që i kam lënë prej kohësh, se jam kryetari i Bashkisë së Tiranës, dhe nuk jam 'Non Grata', o fundërrinë e historisë, që u bëre stërgjysh dhe sa më shumë zhubravitesh në atë surratin e lig, aq më shumë qelb Tiranën me gojën tënde".

Rasti ndaj gazetarëve

Gazetari Artan Hoxha është shprehur publikisht se Erion Veliaj ka kryer sulme personale edhe ndaj familjes së tij.

“E kam provuar në kurriz çfarë është Erion Veliaj. Sulm personal, familjes, në media, në grupe kriminale. Çfarë nuk ka bërë ai njeri. Duke parë këto raste nuk ka nevojë për të parë fytyrën e vërtetë të Erion Veliajt”.

Mjafton të shohim deklaratën kur themeloi G99 dhe ato çfarë bën sot. "Nga e thëna në të bërë ndan në mes një det i tërë", por Erion Veliaj ka kapërcyer oqeane.

Ky është Erion Veliaj që nuk ndërhynte në jetët e njerëzve dhe kërkonte integritet. Asnjëra nga këto nuk i përshtatet fytyrës së tij të vërtetë./ CNA

 





Lajmet e fundit nga