web counter
LEXO PA REKLAMA!

SHKARKO APP

App Store
Google Play

E fundit!

x

Veliaj mashtrues/ Del dokumenti nga gjykata

24 Shkurt 2025, 17:56, Politikë CNA

Veliaj mashtrues/ Del dokumenti nga gjykata

Erion Veliaj gënjeu sërish sot në një status në rrjetet sociale ku pretendonte se prokurori Ols Dado e ka fyer gjatë seancës duke e quajtur "ndyrësirë". Veliaj shkoi shumë largme taktikat e tij makiaveliste, duke publikuar një zbardhje nga seanca gjyqësore ku tregohej një dialog mes tij dhe prokurorit Dado.

Veliaj mashtrues/ Del dokumenti nga gjykata


Kryebashkiaku që tashmë zyrë ka paraburgimin e Durrësit nuk u mjaftua me intimidimet, me krekosjet "nuk e ka idenë se me kë ka të bëjë", me lajmet e porositura në portalet në shërbim të tij për notat e prokurorit, për lejet e ndërtimit, por ka nisur të fabrikojë edhe dokumente zyrtare.

Kjo lëvizje e Veliajt doli të ishte një autogol pasi synimi i tij që Dado të përjashtohej nga hetimi u hodh poshtë nga GJKKO dhe SPAK të cilat mohuan versionin e tij qesharak të shkruar mbi një dokument me një stil po aq qesharak dhe shumë larg një procesverbali zyrtar.

SPAK reagoi ekskluzivisht për CNA dhe hodhi poshtë akuzat e rreme të Veliajt duke mohuar që fjala “ndyrësirë” të jetë përdorur nga prokurori dosjes së Veliajt.


“Prokuroria e Posaçme Kundër Korrupsionit dhe Krimit të Organizuar ju informon si vijon: Procesverbali i seancës gjyqësore i datës 12.02.2025, në faqen 292, e numërtuar nga Gjykata e Posaçme për Korrupsionin dhe Krimin e Organizuar (GJKKO) dhe audio e kësaj seance nuk përfshijnë fjalët e përmendura nga personi nën hetim, E.V., të publikuara sot në media”, deklaroi SPAK për CNA.


CNA siguroi procesverbalin e seancës ku është e zbardhur përballja mes prokurorit Ols Dado dhe Erion Veliaj, dhe në asnjë rresht nuk është fjala ndyrësirë siç pretendon Veliaj.

Veliaj mashtrues/ Del dokumenti nga gjykata

GJKKO në reagimin për mediat rrëzon pretendimin e Veliajt ku si të mos mjaftohej me baltën ndaj Dados e konsideron sallën e gjyqit si thertore të gjyqtarit Erjon Bani.

“Nga verifikimi i bërë në sistemin audio, të seancës gjyqësore për marrjen në pyetje të personave nën hetim Erion Veliaj, etj., të datës 12.02.2025, konkretisht intervali kohor 6:34:02 PM – 6:34:57 PM (të cilit i referohet i hetuari Erion Veliaj në postimin e tij) si dhe nga procesverbali i seancës gjyqësore, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment”, thuhet në njoftim.


Veliaj është shndërruar në një njeri të çartur që po përpiqet të detyrojë prokurorin dhe gjyqtarin të tërhiqen nga çështja, por po humbet popullaritetin sa herë që e vërteta vihet përballë këtyre mashtrimeve dhe fabrikimeve të ulëta./CNA





Lajmet e fundit nga