web counter
LEXO PA REKLAMA!

SHKARKO APP

App Store
Google Play

A janë në përgjim gjyqtarët e “Kushtetueses”?/ Zaçaj "ngre" supet

24 Shkurt 2025, 11:26, Politikë CNA

A janë në përgjim gjyqtarët e “Kushtetueses”?/

Kryetarja në detyrë e Gjykatës Kushtetuese, Holta Zaçaj, është pyetur nga gazetarët nëse janë në përgjim gjyqtarët e Gjykatës Kushtetuese.

Zaçaj u përgjigj se ende nuk ka informacion mbi këtë çështje dhe shtoi se gjykata ka vendosur t'i drejtohet kreut të SPAK-ut, Altin Dumani, me kërkesë për informacion, për ndonjë kallëzim apo hetim ndaj ndonjë gjyqtari.

Zaçaj tha se shkresa është dërguar zyrtarisht ditën e mërkurë, datë 19 shkurt, dhe pritet një përgjigje zyrtare nga ai institucion.

“Në lidhje me pyetjen tuaj Gjykata nuk ka asnjë informacion në lidhje me sa është shkruar për një përgjim të mundshëm apo të pretenduar ndaj gjyqtarëve të Gjykatës Kushtetuese. Pasi u informua në lidhje me këto lajme, trupa vendosi që t'i drejtohej zotit Altin Dumani me kërkesë për informacion, për ndonjë kallëzim apo hetim ndaj ndonjë gjyqtari, për sa kohë që veprimet e pretenduara i referohen një vendimmarrjeje konkrete të Gjykatës ku vetë SPAK-u është palë. Shkresa është dërguar zyrtarisht ditën e mërkurë, datë 19 shkurt. Ende nuk kemi një përgjigje zyrtare nga ai institucion.

Ndërkohë që si kryetare e Gjykatës Kushtetuese informova zotin Dumani se nuk jam vënë në dijeni nga asnjë gjyqtar për ndonjë ndërhyrje apo ushtrim të ndonjë forme ndikimi të papërshtatshme nga avokatë, funksionarë politikë, publikë ose subjekte të tjera, bazuar në nenin 10, pika 3, të ligjit organik",- tha Zaçaj./CNA 

 
 

 





Lajmet e fundit nga