web counter
LEXO PA REKLAMA!

SHKARKO APP

App Store
Google Play

Shehi dhe Alibeaj lënë të hapur derën për Bashën

24 Shkurt 2025, 11:25, Politikë CNA

Shehi dhe Alibeaj lënë të hapur derën për Bashën

Kreu i LZHK-së, Dashamir Shehi, dhe Enkelejd Alibeaj, kanë konfrimuar se do të garojnë si koalicion në zgjedhjet e 11 majit.

Shehi u është drejtuar me një ftesë edhe partive të tjera të bashkohen në këtë koalicion duke shprehur se do të respektohen rregullat e ndershmërisë, pavarësisht nëse kemi të bëjmë me parti të madhe apo të vogël.

“Këtu janë shtuar shumë grupe që do ta rëndojnë listën. Por unë po i them si garant se të gjitha partitë kanë hapësirën e tyre, nuk ka lidhje nëse janë të vogla, do të respektohen të gjitha rregullat e ndershmërisë. Emrin e koalicionit do ta lënë më 3 mars. Koha nuk punon për ne, kemi një kohë.

I ftoj të gjithë t’i bashkohen kësaj liste të hapur, secili mund të jetë kontribuues. Keni një javë kohë. Unë do t’i bëja dhe një herë një ftesë të fundit. Këta zotërinj që kanë 30 vjet në Shqipëri, do duhet të lënë vend për protagonistë. Në qoftë se nuk ka partnerë të tjerë, ne në datë tre do ta dorëzojmë”, tha Shehi.

Por çfarë ndodh?

Dash Shehi ka deklaruar se Basha e ka të hapur derën për koalicion.

Kështu përtej kësaj, ajo që mund të vëmë re është fakti që Enkelejd Alibeaj, i cili e quajti të paaftë për të mundur Berishën, është i hapur të bashkojë sërish forcat me Bashën.

“Zoti Basha e ka hapur derën. Kemi pasur ndryshime në pikëpamje. Kam vënë një lloj kondicionimi që drejtojmë ne, nëse do pranojnë kushtet janë të mirëpritur.

A e ka regjistruar partinë apo jo duhet pyetur, ne regjistrohemi sot në drekë për burokraci të vogla. Ne sot konfirmojmë do shkojë, si do shkojë. Ne jemi bashkë me listë të përbashkët, nëse u pëlqen le të vijnë”, shtoi Shehi./ CNA





Lajmet e fundit nga