web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka më rroga 250 mijë lekë”/ Rama u përgjigjet qytetarëve për pagat në Shqipëri

24 Shkurt 2025, 09:29, Politikë CNA

“Nuk ka më rroga 250 mijë lekë”/ Rama u

Kryeministri Edi Rama u është përgjigjur sot disa prej komenteve që i janë bërë në rrjetet sociale. Komentet vijnë nga qytetarë të ndryshëm, që shkruajnë në llogarinë e kryeministrit në ‘Facebook’.

Rama mori komente në lidhje me pagat në Shqipëri, krahasuar me situatën në rajon dhe Europë.

Rama tha se nuk ka më rroga 250 mijë lekë të vjetër në Shqipëri dhe se shpeshherë nuk mendohet për taksat e pagës.

Kryeministri shtoi se nuk janë më kohët që ishin, nuk është më njësoj bota, nuk është më njësoj Europa sot me atë që ishte deri dje dhe kostoja e jetesës në Europë është rritur.

Në fund, shtoi se  me planin “Shqipëria 2030”, do të këtë ndryshime edhe në këtë aspekt.

“Debat interesant dhe me lejen tuaj po hyj edhe unë të them mendimin tim. E para, ka kohë që nuk ka më rroga 250 mijë lekë të vjetër në Shqipëri dhe e dyta, rroga është ajo që duket, por pas asaj ka edhe taksa dhe ta dini, 57% e rrogave në Shqipëri nuk kanë asnjë taksë ndërsa 36% e tyre kanë nga 4-10% taksë, kurse vetëm rrogat mbi 1300 euro e kanë taksën mbi 10%.

E dyta, në turizëm dhe në ndërtim në Shqipëri merr sa në Greqi dhe paguan më pak taksë ndërsa kur je jashtë qytetit tënd, edhe fjetjen edhe ushqimin ta paguan kompania. Këto janë fakte dhe me këto shpjegohet edhe kthimi i atyre që kanë filluar vijnë të punojnë në turizëm, për shembull, apo i atyre që investojnë në agroturizëm kursimet e tyre jashtë po e po sepse ju del ku e ku më mirë.

E treta, avash me 'kekun' dhe me 'byrekun' sepse nuk janë më kohët që ishin, nuk është më njësoj bota, nuk është më njësoj Europa sot me atë që ishte deri dje dhe kostoja e jetesës në Europë është rritur aq shumë sa nuk ka më kursime si dikur, këtë e dimë mirë që të gjithë. 

Prandaj, gjithsekush le t’i shohë me qetësi opsionet e veta dhe të vendosë, qoftë për t’u kthyer plotësisht, qoftë pjesërisht disa kohë këtu e disa kohë atje apo qoftë, duke investuar këtu e duke ndenjur atje. Të gjitha janë të mundura dhe nga të gjitha këto gjen tek njerëzit që janë kthyer apo që i kanë kthyer sytë nga Shqipëria.

Jemi në rrugën drejt majës së 'Shqipërisë 2030', për pak vite do të jemi anëtarë të Bashkimit Europian, gjithçka do të ndryshojë, por kush vjen sot i jep vetes mundësinë që të fitojë më shumë përpara sesa me hyrjen në Bashkimin Europian gjithçka të bëhet njësoj si kudo tjetër", - tha Rama./CNA 





Lajmet e fundit nga