E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Sokol Sadushi, i paguar nga Soros

28 Qershor 2026, 11:10, Denoncim CNA

Pas zbardhjes së portofolit të pronave, në Tiranë, Kavajë, Golem dhe Vlorë, nga të dhënat e pasqyruara në ILDKPI evidentohen dhe të ardhurat që ka përfituar kreu i Gjykatës së Lartë Sokol Sadushi nga të tjera burime, ku një prej tyre është dhe fondacioni "Shoqëria e Hapur" e George Soros.

Sokol Sadushi, si agjenci imobiliare
27 Qershor, 14:06

CNA ka zbardhur pagesat që Sokol Sadushi ka marrë nga fondacioni i George Soros.

Deklarimet e pasurisë të Sokol Sadushi tregojnë se në disa vite ai ka deklaruar të ardhura të përfituara nga Fondacioni "Shoqëria e Hapur për Shqipërinë".

Sipas deklarimeve, pagesa e parë e regjistruar daton në vitin 2004, kur Sadushi deklaron 500 dollarë amerikanë honorar si anëtar i bordit të fondacionit.

Pas një ndërprerjeje disa vjeçare, në vitin 2014 ai deklaron 750 dollarë për pjesëmarrje në një projekt për hartimin e projektligjit "Për njoftimin dhe konsultimin publik", si edhe për angazhimin në projektin e reformës kushtetuese.

Sokol Sadushi, i paguar nga Soros

Vlera më e lartë e deklaruar figuron në vitin 2015, kur Sadushi raporton 1.890.250 lekë neto nga Fondacioni "Shoqëria e Hapur për Shqipërinë" për angazhimin si ekspert në Komisionin e Reformës në Drejtësi.

Sokol Sadushi, i paguar nga Soros

Eksperët që hartuan reformën nuk duhet të ishin pjesë e sistemit, por Sadushi dhe të tjerë përgatitën ligjet dhe i hapën rrugë karrigeve të tyre pa kaluar në vetting. Sokol Sadushi nga hartues i reformës i paguar nga Soros, për t'u bërë më pas kryetar i Magjistraturës dhe kryetar i Gjykatës së Lartë.

Në vitin 2017, ai deklaron edhe 337.280 lekë neto nga i njëjti fondacion për punën si ekspert i nivelit të lartë në kuadër të Reformës në Drejtësi.

Sokol Sadushi, i paguar nga Soros

Ndërsa në vitin 2018, deklarimet përfshijnë dy pagesa të tjera: 5.100 dollarë neto për përgatitjen e Komentarit të Kushtetutës në kuadër të Reformës në Drejtësi dhe 124.950 lekë neto për ekspertizë si anëtar i bordit editorial në një projekt për botimin parlamentar të reformës.

Sokol Sadushi, i paguar nga Soros