web counter
LEXO PA REKLAMA!

SHKARKO APP

App Store
Google Play

E fundit!

x

99-çi i Veliajt kërkon karrige në Gjykatën Kushtetuese

17 Korrik 2026, 19:38, Denoncim CNA
99-çi i Veliajt kërkon karrige në Gjykatën Kushtetuese
Roland Ilia me G99

Një tjetër emër që renditet në grupin e 99-çave të Erion Veliajt, kryebashkiakut të arrestuar të Tiranës me 13 akuza për 5 vepra të rënda penale, është Roland Ilia.

Roland Ilia është një emër i njohur për publikun, ka qenë Komisioner në KPK, që ka kaluar në sitë prokurorë e gjyqtarë, por po ashtu dhe kandidat për deputet nën logon as më pak e as më shumë se të partisë G99 të Erion Veliajt.

Në zgjedhjet e vitit 2009 Roland Ilia kandidoi nën siglën e G99 të Erion Veliajt në qarkun e Shkodrës, por G99 në këto zgjedhje dështoi, pasi nuk mori asnjë mandat.

99-çi i Veliajt kërkon karrige në Gjykatën Kushtetuese

Roland Ilia sot kërkon një karrige në Gjykatën Kushtetuese. Ai është një nga kandidatët që kërkon vakancën e anëtarit në Gjykatën Kushtetuese.

Pasi ka qenë pjesë e G99, Roland Ilia tanimë kërkon që të shkojë në Gjykatën Kushtetuese për të mbushur drejtësinë me 99-çat që i shërbejnë kryebashkiakut të arrestuar të Tiranës Erion Veliaj.(LEXO KETU)

Nuk mjafton Sandër Beci dhe shokët e tij, nuk mjafton Sokol Sadushi në Gjykatën e Lartë, nuk mjafton Olsian Çela, por duhet të shkojë edhe Roland Ilia te Gjykata Kushtetuese që Erion Veliaj të ketë një një tjetër anëtar për të luajtur nesër me skemat dhe skenarët e tij me 99-çat.

Veliaj ka avokatin e pandehur të tij 99-ç Plarent Ndrecën, ka Sandër Becin me shokë në Gjykatën Kushtetuese që shkëlqejnë si 99-ça, ka Sokol Sadushin në Gjykatën e Lartë, e ka dhe kryetar, tashmë një tjetër 99-ç, i mbështetur nga Veliaj kërkon një karrige në Gjykatën Kushtetuese.

Roland Ilia, pritet të jetë anëtari i Kushtetueses që t'i sigurojë zdromsit 5 vota të sigurta, qëllimi është që Veliaj t'i ketë të blinduara strukturat më të larta të drejtësisë me 99-ça, të cilët jo vetëm e kanë kapur drejtësinë por janë përhapur si vaji në lakra./ CNA





Lajmet e fundit nga