Skandalet e Vettingut/ Si u mbyllën hetimet për anëtarin e KPK-së

2 Nëntor 2022, 15:15, Vetingu CNA

Skandalet e Vettingut/ Si u mbyllën hetimet për anëtarin e

Prej pesë vitesh po hetojnë gjyqtarë dhe prokurorë, por vetë nuk i kanë kaluar filtrat e Vettingut.

Janë këta anëtarët e komisioneve të Vettingut që disa prej tyre kanë përfundur edhe në SPAK dhe janë shkarkuar pas skandaleve që u janë zbuluar.

Duket se skandalet nuk mbarojnë, duke ngritur kështu dyshime të mëdha se është bërë një proces Vettingu i mirëfilltë.

Ata kanë shkarkuar dhjetëra gjyqtarë dhe prokurorë për të njëjtat skandale që po lakohen edhe vetë.

Në një situatë të tillë është edhe anëtari i KPK-së, Roland Ilia, ish-pjesë e G-99 të Erion Veliajt.

Roland Ilia në fushatë për G-99

Ky i fundit rezulton të jetë ndjekur penalisht në vitin 2016, pra një vit më herët se të kapte komisionin e Vettingut.

Ilia, siç kanë raportuar më herët, është pjesë e dosjes me nr. 964, të vitit 2016.

Themi është pasi dosja normalisht duhet të jetë në arkiv dhe nëse Ilia, nuk ka asgjë për të fshehur duhej t’i kishte bërë publike më herët.

Por nuk ka ndodhur kështu dhe Ilia nuk mund të ketë shkuar deri në atë pikë sa ta asgjësojë, megjithëse ka pasur fuqinë të bëhej komisioner i Vettingut, pavarësisht bëmave që lidhen me të.

Nga dështimi në G99 tek Komisioni i Vettingut/ Si ka ndryshuar pasuria e Roland Ilias
4 Qershor, 10:22

Gjatë një hetimi proaktiv nga Prokuroria e Shkodrës, në lidhje me këtë procedim, duke përfshirë përgjime të bisedave telefonike dhe vëzhgime në terren nga policia në vende publike, janë marrë nën hetim 19 persona, ku për 12 prej të cilëve në 2016 është vendosur njoftimi i akuzës nga ana e prokurorisë Shkodër.

Nën hetim janë marrë, 4 shtetas, njëri prej tyre zyrtar vendor si dhe ish-anëtari i Këshillit të Lartë të Prokurorisë, Sandër Beci, pasi dyshoheshin se këta persona kanë kryer “Korrupsion pasiv i personave që ushtrojnë funksione publike”.

Gjithashtu nën hetim, raportojnë mediat, është marrë edhe shteasi Xh.G. për akuzën e “Ushtrimit të ndikimit të paligjshëm ndaj personave që ushtrojnë funksione publike” dhe Roland Ilia, aktualisht anëtar i KPK-së, për akuzën “Veprime që pengojnë zbulimin e të vërtetës”.

Hetimet kanë të bëjnë me korrupsionin në arsimin universitar në qytetin e Shkodrës dhe për këtë arsye me 7 shtator 2016 është nxjerrë një vendim i gjykatës për kontrollin e vendeve dhe konkretisht departamentin e të Drejtës Civile dhe vendim për sekuestrimin e provave materiale.

Objekt i sekuestros dhe i kontrollit ishin fletoret e provimeve dhe proceverbalet e tyre për sezonet e vitit 2016.

Por anëtari aktual i KPK-së, Roland Ilia, nuk ka bashkëpunuar me oficerët e policisë gjyqësore duke mos vënë në dispozicion fletoret e provimeve.

Ai është marrë në pyetje, pasi ka qenë nën hetim, por ka deklaruar se nuk ka qenë në zyrë nga fundi i korrikut dhe deri më datë 07 shtator 2016.

Ai ka dëshmuar se fletoret e provimeve nuk kanë qenë në vendin ku ai i kishte lënë, pasi çelësin e raftit e kishin shumë persona.

Kjo çështje është hetuar nga prokurorja Esmeralda Ndoci, e cila me 17 shkurt 2017 ka vendosur të pushojë akuzën për Roland Ilian, që në atë periudhë ishte pedagog në Fakultetin Juridik pranë Universitetit të Shkodrës.

Ndoci nuk ndodhet sot në sistemin prokurorial, por vendimi i saj për pushimin e çështjes mbetet i dyshimtë, ndërkohë nga ana tjetër, Roland Ilia po bën ende Vettingun e gjyqtarëve dhe prokurorëve, edhe pse ka fshehur faktin që ka qenë nën hetim./CNA.al