web counter
LEXO PA REKLAMA!

SHKARKO APP

App Store
Google Play

E fundit!

x

Megaskandali në drejtësi/ E pandehura e SPAK-ut u bën Vettingun gjyqtarëve dhe prokurorëve

15 Shtator 2022, 13:48, Vetingu CNA
Megaskandali në drejtësi/ E pandehura e SPAK-ut u bën Vettingun
Etleda Çiftja në SPAK

Etleda Çiftja u zgjodh në qershor 2017 nga Kuvendi i Republikës së Shqipërisë në postin e komisioneres pranë Komisionit të Pavarur të Kualifikimit.

Pas pesë vitesh është zbuluar se Çiftja ka mashtruar dhe gënjyer për pasurinë.

Pra, komisionerja e Vettingut, që ka dhënë qindra vendime për gjyqtarë e prokurorë, sot rezulton e pandehur në SPAK.

Qindra vendime për deklarim të rremë pasurie, për falsifikim dokumentesh janë firmosur nga Çiftja si komisionere e Vettingut dhe vazhdojnë të firmosen.

 

Megaskandali në drejtësi/ E pandehura e SPAK-ut u bën Vettingun
Etleda Çiftja, komisionerja e Vettingut në SPAK

Por, u deshën pesë vite për të zbuluar se komisionerja e Vettingut ka mashtruar dhe falsifikuar për pasurinë.

As institucioni ku ajo ka deklaruar pasurinë, ILDKPKI, nuk ka hedhur asnjë hap, duke lejuar kështu që të bënte Vettingun e gjyqtarëve dhe prokurorëve një komisionere që ka kryer vepra penale.

Situata është e tillë, një e pandehur mbi të cilën rëndojnë dy akuza, gjykon gjyqtarët dhe prokurorët.

Megaskandali në drejtësi/ E pandehura e SPAK-ut u bën Vettingun

Megaskandali në drejtësi/ E pandehura e SPAK-ut u bën Vettingun

Në fakt, kjo situatë është e rregulluar edhe me ligj, por që ka mbetur i shkruar vetëm në letër dhe nuk ka gjetur zbatim, të paktën në rastin e komisioneres Etleda Çiftja.

Ligji për rivlerësimin kalimtar të gjyqtarëve dhe prokurorëve në Republikën e Shqipërisë, shpjegon në mënyrë specifike në nenin 17 procedurat për shkarkimin e anëtarit të institucioneve të rivlerësimit.

“Në rast se ka të dhëna të mjaftueshme nga burime të besueshme se anëtari i institucioneve të rivlerësimit ka kryer një shkelje disiplinore, ndaj tij fillon hetimi disiplinor. Subjektet që mund të kërkojnë fillimin e hetimit disiplinor janë: a) çdo komisioner për komisionerët, pra komisionerët nuk i kërkojnë KPA-së procedim displinor”, saktësohet ndër të tjera në nenin 17.

Megaskandali në drejtësi/ E pandehura e SPAK-ut u bën Vettingun

Për më tepër që në rastin në fjalë ka vepër penale dhe jo vetëm shkelje disiplinore.

Akuzat që rëndojnë mbi komisioneren

Prokuroria e Posaçme Kundër Korrupsionit dhe Krimit të Organizuar Tiranë, ka dërguar tashmë për gjykim procedimin penal në ngarkim të gjyqtares Etleda Çiftja, pas përfundimit të hetimeve.

Etleda Çiftja, akuzohet për “Falsifikim dokumentesh" dhe “Refuzim për deklarimin, mosdeklarimin, fshehjen ose deklarimin e rremë të pasurive, interesave private të personave të zgjedhur dhe nënpunësve publikë ose i çdo personi tjetër që ka detyrim ligjor për deklarim”.

Megaskandali në drejtësi/ E pandehura e SPAK-ut u bën Vettingun

Sipas SPAK-ut, nga hetimet është provuar se Etleda Çiftja, në deklaratën me nr. 14568 indeksi, datë dorëzimi 17.07.2017, ka kryer deklarim të rremë të pasurisë, e konkretisht në lidhje me burimin e blerjes së apartamentit të banimit, të dy parcelave tokë arë me sip. 1450 m2 dhe me sip. 3440 m2, mënyrën e fitimit të pronësisë për dy sipërfaqet e tokave arë si dhe në lidhje me qëllimin e marrjes së një kredie pranë ish-Banka Emporiki – Shqipëri sh.a.

Megaskandali në drejtësi/ E pandehura e SPAK-ut u bën Vettingun

Gjithashtu, e pandehura Etleda Çiftja ka dorëzuar pranë ILDKPKI, një kontratë me përmbajtje të falsifikuar, referuar çmimit të pasqyruar në të, provuar, pasi kjo kontratë nuk përputhet me atë të gjendur pranë arkivës së zyrës noteriale ku është përpiluar dhe pranë ASHK-së në momentin e regjistrimit të pasurisë për të cilën është lidhur kjo kontratë.

Megaskandali në drejtësi/ E pandehura e SPAK-ut u bën Vettingun

Kjo kontratë përmban të dhëna të rreme edhe në lidhje me vetë veprimin e pasqyruar në të, pra shitje-blerjen e parcelës tokë arë./CNA.al





Lajmet e fundit nga