web counter
LEXO PA REKLAMA!

SHKARKO APP

App Store
Google Play

Gjyqtarët dhe prokurorët që kanë mbetur për vjeshtë/ Rinis Vettingu

1 Shtator 2022, 10:08, Vetingu CNA

Gjyqtarët dhe prokurorët që kanë mbetur për

1 shtatori ka shënuar rinisjen e Vettingut.

Në shkallë të parë, në Komisionin e Pavarur të Kualifikimit, i pari që do të çelë sezonin e vjeshtës është prokurori Bajram Breçani.

Ky i fundit do të rivlerësohet nga trupa gjykuese e përbërë nga Etleda Çiftja, Pamela Qirko dhe Roland Ilia.

Seanca ishte parashikuar të mbahej që në korrik, por u shty pasi avokati i Breçanit kërkoi kohë për t'u njohur me materialet.

Breçani e ka filluar karrierën në vitin 2013 në Prokurorinë e Rrethit Gjyqësor Krujë. Një vit më vonë ai është transferuar në Prokurorinë e Elbasanit, ku ka shërbyer deri në vitin 2016, përpara se të transferohej në Tiranë.

Ndërkohë kanë mbetur pa kaluar në filter, në shkallë të parë afro 250 prokurorë të prokurorive të Shkallës së Parë dhe Apelit.

Ndërsa shkalla e dytë e Vettingut, Kolegji i Posaçëm i Apelimit e rinis me 13 shtator me çështjen e gjyqtares Valdete Hoxha, për të vijuar më tej me 14 shtator, ku është njoftuar se do të ketë seancë  për subjektin Entela Shedula.

Me 21 shtator do të zhvillohet seanca në lidhje me subjektin e rivlerësimit Ardit Mustafaj, i cili ka ankimuar KPK-në.

Dhe me 27 shtator, KPA, do të shqyrtojë rastin e subjektit Markelian Kuqo./CNA.al





Lajmet e fundit nga