LEXO PA REKLAMA!

SHKARKO APP

E fundit!

x

Pasuria e dyshimtë e komisioneres së Vettingut/ Etleda Çiftja, në GJKKO: Dy akuzat që bien mbi të

25 Korrik 2022, 10:11, Vetingu CNA

Pasuria e dyshimtë e komisioneres së Vettingut/ Etleda Çiftja,

Anëtarja e Komisionit të Pavarur të Kualifikimit, Etleda Çiftja, është paraqitur sot në GJKKO për seancën paraprake.

Çiftja është paraqitur pa avokat, ndërkohë që SPAK e akuzon për deklarim të rremë e falsifikim dokumentesh.

Gjykata ka pranuar kërkesën e saj për gjykim të shkurtuar dhe seanca e radhës do të mbahet më datë 29 korrik, ku do të mbahet seanca përfundimtare e diskutimeve. 

SPAK kërkon gjykimin e saj për dy akuza, ndërsa Çiftja kërkon pushimin e çështjes për mungesë të veprës penale.

Sipas veprimeve hetimore të kryera nga SPAK, ka rezultuar se në korrik 2017, anëtarja e Komisionit të Pavarur të Kualifikimit, Etleda Çiftja kur ka plotësuar deklaratën fillestare të pasurisë,  ka deklaruar se ka në pronësi një tokë arë, me sipërfaqe 3440 m2 në Qerret të Kavajës, blerë në 10 korrik 2006, me vlerë 50 mijë euro.

Për këtë pasuri, ajo deklaron si burim financiar 15 mijë euro të kursimeve nga paga si juriste në kompaninë private “Egnatia O. Albania” dhe 35 mijë euro të tjera kredi, të cilën duhet ta shlyejë për 20 vjet, deri në vitin 2026.

Sipas kontratës së datës 10 korrik 2016, nënshkruar pranë noteres publike, Luljeta Kongoli, në Tiranë, rezulton se Etleda Çiftja, e ka blerë këtë tokë për vetëm 300 mijë lekë të rinj.

Në këtë rast, SPAK-u ka ngritur dyshime të arsyeshme të bazuara dhe në prova se ka një pasaktësi për sa i përket shifrës së deklaruar nga Etleda Çiftja dhe kontratës së blerjes së tokës në Kavajë te tre shtetasit, Rustem Kaja, Suzana Kaja dhe Ervin Kaja./CNA.al

Lajmet e fundit nga