web counter
LEXO PA REKLAMA!

SHKARKO APP

App Store
Google Play

E fundit!

x

Pasuria i “pret kokën” prokurorit/ Shkarkohet ish-drejtori i SHKB-së

30 Qershor 2022, 12:01, Vetingu CNA

Pasuria i “pret kokën” prokurorit/ Shkarkohet ish-drejtori i

Komisioni i Pavarur i Kualifikimit, KPK, shpalli të enjten më 30 qershor vendimin e shkarkimit nga detyra të prokurorit të Shkodrës, Astrit Halilaj. Trupa e KPK-së që kreu procesin e rivlerësimit kalimtar për prokurorin Halilaj kryesohej nga Genta Tafa Bungo, me relator Lulzim Hamitajn dhe anëtar Roland Ilian.

Gjatë seancës dëgjimore më 28 qershor Halilaj dha shpjegime për mënyrën e krijimit dhe përfitimit të disa pasurive të paluajtshme, burimet financiare dhe balancat negative të konstatuara gjatë hetimit administrativ.

Problemet kryesore që u evidentuan në seancë kishin të bënin me investimet e kryera gjatë periudhës 1995-2014 në një banesë me dy kate plus papafingo dhe burimet e krijimit të kësaj pasurie, me burimet për blerjen e një apartamenti plus parkim në Vlorë, për një makinë dhe dy njësi shërbimi të porositura nga vëllai në vitin 2000, të drejtat reale të të cilave i janë kaluar subjektit në 2014-ën, por pa dhënë gjë në këmbim.

Pasuria i “pret kokën” prokurorit/ Shkarkohet ish-drejtori i
Prokurori Astrit Halilaj

Prokurori Halilaj e kundërshtoi analizën financiare dhe kërkoi që të ndiqet praktika e KPK-së për justifikimin e remitancave nga emigracioni.

Ndërkohë, Halilaj u vlerësua pozitivisht për pastërtinë e figurës, si dhe nuk u evidentuan probleme në kriterin profesional, shkrun "Birn".

Astrit Halilaj e ka filluar karrierën si oficer i policisë gjyqësore në vitin 1993 dhe përgjatë dy dekadave ka mbajtur pozicione drejtuese në Policinë e Shtetit. Prej vitit 2016, ai punoi si prokuror pranë Prokurorisë së Rrethit Gjyqësor Shkodër.





Lajmet e fundit nga