web counter
LEXO PA REKLAMA!

SHKARKO APP

App Store
Google Play

E fundit!

x

Kërkoi heqjen e sekuestros së pasurisë/ Gjykata e Lartë merr vendimin për ish-gjyqtarin Admir Thanza

9 Qershor 2022, 15:14, Vetingu CNA
Kërkoi heqjen e sekuestros së pasurisë/ Gjykata e Lartë merr
Ish-gjyqtari Admir Thanza

Gjykata e Lartë nuk ka pranuar rekursin e ish-gjyqtarit Admir Thanza për heqjen e sekuestros së pasurisë.

Thanza, ish-anëtar i gjykatës së Lartë, i shkarkuar nga vetingu është zyrtarisht person nën hetim nga SPAK-u për akuzën e deklarimit të rremë dhe fshehjes së pasurisë.

Në dhjetor të vitit 2021, Gjykata e Posaçme ka sekuestruar dy pasuri të ish-gjyqtarit të Lartë të shkarkuar nga vetingu, Admir Thanza.

Bëhet fjalë për sekuestrimin e një garazhi 24.4m2 në pronësi të tij dhe të një apartamenti 70 m2 në zonën e “Komunës së Parisit” në Tiranë. 

 “Ngrirja” e këtyre pasurive është bërë pas dyshimeve se ato nuk justifikohen në burime të ligjshme.

Gjatë procesit të vetingut ndaj Thanzës, në qershor 2018, rezultoi se ai kishte fshehur një dënim me 40 ditë burg të marrë në Itali për akuzën e “vjedhjes”.

Pas shkarkimit ai u dërgua si i pandehur në Gjykatën e Tiranës për “falsifikim të dokumenteve” ku u shpall fajtor dhe u dënua me 9 muaj burg, dënim që u konvertua në 18 muaj Shërbim Prove.

Thanza është i katërti në radhën e ish-anëtarëve të Kushtetutës dhe Gjykatës së Lartë, që i sekuestrohen pasuri pas shkarkimit nga vetingu./CNA.al





Lajmet e fundit nga