E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Takimi tri orë para shkarkimit të Imerajt/ Zbulohet skenari i Olsian Çelës

5 Maj 2022, 10:19, Vetingu CNA

Këshilli i Lartë i Prokurorisë, një institucion ky i ri që u ngrit pas ndryshimeve kushtetuese të gushtit 2017, është kthyer në veglën kryesore të Prokurorit të Përgjithshëm, Olsian Çela.

Ky dikaster dhe anëtarët e tij me ligj janë të ndarë nga juridiksioni dhe llogaridhënia me zyrën e Prokurorit të Përgjithshëm, por çuditërisht, të gjithë anëtarët falen kokulur përpara Olsi Çelës.

Një praktikë kjo shumë e zakonshme që nga periudha kur timonin e Prokurorisë së Përgjithshme e ka marë Olsi Çela. Kjo praktikë është vërtetuar dhe përsëritur sërish me rastin e propozimit në Këshillin e Lartë të Prokurorisë së Arenc Çelës, si drejtues i prokurorisë së Tiranës.

Redaksia ka mësuar se Zyra e Prokurorit të Përgjithshëm, ka qenë ?opozitë? e fortë kundër ish-drejtueses së prokurorisë së Tiranës, Elisabeta Imeraj.

Madje, të dhënat tregojnë se Olsi Çela, së bashku me tarafin e vet në organin qendror të akuzës, kanë lobuar në frontin ndërkombëtar dhe atë të vetingut në KPA, me qëllimin e vetëm për të marrë një ?PO? definitive për shkarkimin e prokurores Imeraj.

Qëllimi ka qënë i qartë dhe i prerë dhe se grupi i Prokurorisë së Përgjithshme kishte më shumë se një vit që po bluante në mendje dhe ëndërronte shkarkimin e Imerajt, me qëllim vendosjen në krye të zyrës së Prokurorisë së Tiranës, ushtarin e tyre Arenc Çelën, nipin e Maksim Çelës të bandës së Lushnjës dhe kunatin e Dardan Ahmetit, shoferin personal të Giorgo Riformatos.

Qëllimi dhe ëndrra më shumë se 1-vjeçare u përmbush ditën e mërkurë. Prokurori i Përgjithshëm, Olsian Çela, dhe grupi i tarafit të tij janë vënë në dijeni 3 orë para nga mikja e tyre në KPA, Ina Rama, dhe Theo Jacobs, se prokurorja e Tiranës, makthi i tyre, Elisabeta Imeraj, do të shkarkohej përfundimisht nga detyra.

Grupi i Prokurorisë së Përgjithshme, me në krye Olsi Çelën, nuk ka humbur asnjë minutë kohë, dhe menjëherë ka thirrur ditën e mërkurë një takim me dy anëtarë të Këshillit të Lartë të Prokurorisë.

Takimi mes Olsi Çelës dhe anëtarëve të KLP-së, Bujar Sheshi dhe Ludovik Dodaj, nuk ka qenë zyrtar, por ka qenë një takim për të lidhur një kontratë ujdie.

Nëse dikush dyshon për vërtetësinë e këtij takimi, Prokuroria e Përgjithshme apo qoftë dhe KLP-ja, apo dhe makar SPAK-u, le të hapin kamerat e sigurisë të Prokurorisë së Përgjithshme dhe të shohin nëse ka qenë ose jo 3 orë para dhënies së vendimit për zonjën Imeraj, Bujar Sheshi dhe Ludovik Dodaj, në zyrën e Olsi Çelës, ose jo?

Pikërisht në këtë takim, Olsi Çela ka informuar ?stekën? e vjetër të prokurorisë shqiptare, Bujar Sheshin dhe Ludovik Dodajn, se vendimi për ?maloken? e Tropojës, tashmë ishte marrë dhe ai ishte shkarkimi dhe nxjerrja përfundimisht nga radhët e sistemit të prokurorisë.

Në këtë takim Olsi Çela u ka kërkuar Bujar Sheshit dhe Ludovik Dodajt që së bashku të bënin një ujdi, me qëllim plotësimin e kërkesës së kryeprokurorit./In-front.org