Skandal në Vetting/ Vëzhguesi Theo Jacobs përdori si provë denoncimet e një të sëmure mendore

30 Mars 2022, 13:09, Vetingu CNA

Seanca e vettingut në KPA për prokuroren e Tiranës Elisabeta Imeraj ka zbuluar një skandal tronditës që implikon vëzhguesin e ONM-së Theo Jacobs. Në seancë u zbulua se Theo Jacobs disa javë më parë ka referuar në SPAK e-mail-in e një zonje e cila i shkruante Theo Jacobsit mbi disa rryshfete të supozuara të prokurores Imeraj.

Hashtag.al ka mësuar emrin e denoncueses (të cilën në këtë shkrim do e quajmë me nofkën ?Threla? për ta mbrojtur) e cila është një personazh shumë i njohur për organet ligjzbatuese shqiptare pasi në 3 vitet e fundit ka bërë dhjetëra kallëzime, për gjithë zinxhirin drejtues të shtetit shqiptar, madje dhe për komisionerët e vettingut, ambasadoren amerikane, artistë, këngëtarë, Mark Zuckebergun madje ?Threla? ka denoncuar dhe presidentin e Kinës Xi Jiping, duke e akuzuar atë si personin që e helmoi me koronavirus.

Prej disa kohësh Hashtag.al po hulumtonte për një shkrim që do të shpaloste denoncimet më të çuditshme dhe më paradoksale që i shkojnë institucioneve shqiptare. Ndër materialet e mbledhura prej nesh ishin dhe denoncimet e zonjës ?Threla?, e cila më herët ka punuar në ministrinë e Mbrojtjes dhe është larguar pasi shfaqi destabilizim psikik dhe ishte e pamundur të realizonte detyrën.
Ajo është një personazh i njohur për policinë, prokurorinë dhe gjykatat pasi denoncimet e saj nuk rreshtin, por të gjithë janë të qartë se bëhet fjalë për një person të destabilizuar psiqikisht, me të meta mendore.

Surpriza ka ndodhur sot në seancën e prokurores Elisabeta Imeraj, ku papritur u zbulua se ?Threla? është përdorur nga komisioneri Theo Jacobs për të goditur prokuroren e Tiranës Elisabeta Imeraj.
Jacobs ka referuar në SPAK disa muaj më parë një e-mail të personazhit ?Threla?, SPAK ka pushuar hetimet mbi këtë personazh pasi ishte mëse e qartë se denoncuesja ishte një person i destabilizuar dhe çështja ishte një aventurë pa lidhje.

Personazhi ?Threla? i ka publikuar denoncimet dhe në faqen e saj të Facebook-ut, më poshtë po paraqesim pasazhe që japin një ide mbi këtë denoncuese:

Shkruan ?Threla?:

?Të gjithë OBSH shërbimet sekrete po hetojnë origjinën e virusit coronavirus. Jua them unë. Koronavirusi është eksperimentuar te mua në vitin 2019 kur Saimir Tahiri u mor i pandehur dhe buçe Valdrin Pjetri agjent i iranianëve u shkarkua nga drejtor i përgjithshëm i hipotekave. Pra është virus i krijuar në laboratorët e Kinës dhe më zgjodhën mua për të eksperimentuar dhe unë do denoncoj Xi Jiping dhe shtetin kinez për dëmin e shkaktuar dhe metodat e tyre eksperimentale me vaksina ndaj meje dhe çdo shtet që është përfshirë në këto eksperimente. Unë jam qenie njerëzore dhe jo kavia juaj perverse.Unë jam kundër vaksinave dhe kjo ndodhi dy ditë pas ditëlindjes së Ilir Metës i cili është agjent i kinezëve. ?

Lista e denoncimeve publike të personazhit ?Threla? përmban pafund emra, mund të jenë mbi 450 personazhe për të cilët ?Threla?kërkon arrestim të menjëhershëm, mes këtyre personazheve është dhe ambasadorja e SHBA-ve Yuri Kim dhe humoristi Bes Kallaku. Ironikisht në denoncimet e saj publike, ?Threla? ka kërkuar dhe arrestimin e disa anëtarëve të Kolegjit të Posaçëm të Apelimit apo të KPK-së.

Por nëse personazhi ?Threla? përjeton dramën e fatit të saj dhe duhet të jetë objekt i mjekëve psikiatër, vëzhguesi ndërkombëtar Theo Jacobs, me shpërdorimin dhe abuzimin keqdashës që i ka bërë këtij personazhi ka shënuar skandalin më të rëndë në procesin e vettingut në Tiranë, duke shkërrmoqur besueshmërinë e këtij procesi dhe duke e shndërruar misionin e ONM-së në një organ kllounësh të papërgjegjshëm. / Hashtag.al

Më poshtë mund të lexoni disa nga denoncimet publike të personazhit ?Threla?: