LEXO PA REKLAMA!

SHKARKO APP

Pas dënimit dhe shkarkimit/ Zëvendësohet Luan Daci në KPA

2 Shkurt 2022, 09:09, Vetingu CNA
Pas dënimit dhe shkarkimit/ Zëvendësohet Luan Daci në KPA

Kolegji i Posaçëm i Apelimit, tashmë ka në radhët e tij edhe zëvendësin e Luan Dacit.

Bëhet fjalë për anëtarën Mimoza Tasi, që do të jetë në KPA, në vendin e Dacit.

Ky ndryshim është bërë pasi Daci, është dënuar nga GJKKO për falsifikim të dokumentave dhe për pasojë është shkarkuar edhe nga KPA.

Mimoza Tasi është në listën e kandidatëve që është përzgjedhur që në 2017 nga Kuvendi, për zëvendësuese në KPA.

Gjykata e Posaçme e Shkallës së Parë për Korrupsionin dhe Krimin e Organizuar, ka shpallur fajtor dhe ka dënuar për veprën penale ?falsifikim të dokumenteve?, anëtarin e Kolegjit të Posaçëm të Apelimit, KPA, Luan Daci.

Prokuroria e Posaçme Kundër Korrupsionit dhe Krimit të Organizuar, SPAK e akuzoi Luan Dacin se ka falsifikuar dokumentet gjatë aplikimit për pozicionin e tij, përmes paraqitjes së rrethanave të rreme nëpërmjet mosdeklarimit të një mase disiplinore për largim nga puna të vitit 1997.

Prokurorët e SPAK, Altin Dumani dhe Klodian Braho, i paraqitën gjykatës konkluzionet përfundimtare në seancën e të martës, kur kërkuan shpalljen fajtor të gjyqtarit të KPA Luan Daci dhe dënimin e tij me 1 vit heqje lirie.

Vetë i pandehuri Luan Daci dhe dy përfaqësuesit ligjorë të Dacit, avokatët Andi Durraj dhe Jordan Daci kërkuan pafajësi duke e konsideruar të pabazuar kërkesën e prokurorisë.

Gjatë shpalljes së vendimit, gjyqtari Sandër Simoni përmblodhi argumentet dhe arsyetimin e tij, ku është bazuar në marrjen e vendimit për dënimin e anëtarit të Kolegjit Luan Daci.

Ai tha se kërkesa për aplikim për një pozicion në institucionet e vetingut nga Daci ka pasqyruar një të dhënë jo të vërtetë, pasi ka fshehur faktin e marrjes së masës disiplinore të shkarkimit nga ana e ish-Këshillit të Lartë të Drejtësisë në vitin 1997.

Sipas tij, ku deklarim i rremë ka dhënë pasoja dhe efekt në zgjedhjen e Dacit si anëtar i KPA.

Ashtu si prokuroria, edhe gjykata konstatoi se masa disiplinore duhej të ishte deklaruar në aplikim, pasi ishte një nga kushtet për t?u kualifikuar.

Gjithashtu gjykata vendosi të deklarojë të falsifikuar kërkesë/aplikimin e datës 3 shkurt 2017 të depozituar nga Daci pranë Avokatit të Popullit për një pozicion në institucionet e rivlerësimit të prokurorëve dhe gjyqtarëve.

Pas përfundimit të seancës, gjyqtari i KPA Luan Daci e cilësoi të padrejtë vendimin e Gjykatës së Posaçme. ?Nuk kam kryer asnjëherë falsifikim në jetën time. Do e apeloj?, u shpreh Daci për mediat.

Luan Daci u denoncua në SPAK për falsifikim të dokumenteve nga ish-prokurori dhe ish-anëtari i KLP, Besnik Cani. Ndaj Dacit është dorëzuar në SPAK edhe një kallëzim i dytë nga ish-prokurorja e Prokurorisë së Tiranës Antoneta Sevdari; ish-prokurori i Korçës Elsion Sadiku dhe ish-gjyqtari i Apelit Tiranë, Ervin Metalla./E.S-CNA.al

Lajmet e fundit nga