LEXO PA REKLAMA!

SHKARKO APP

E fundit!

x

KPA "rrëzon" Komisionerin Publik/ Merr vendimin për prokuroren e Durrësit

15 Shkurt 2022, 08:48, Vetingu CNA
KPA "rrëzon" Komisionerin Publik/ Merr vendimin për

Kolegji i Posaçëm i Apelimit ka zhvilluar sot seancën gjyqësore publike të çështjes (JR) 13/2020, datë 01.06.2020 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 221, datë 10.12.2019, që lidhet me subjektin e rivlerësimit Anita Jella.

Më herët, Prokuroria pranë Gjykatës së Rrethit Gjyqësor Durrës kishte dërguar informacionin në kuadër të denoncimeve, informacion që u ishte përcjellë palëve në proces.

Në seancën e kaluar, pas dakordësisë së palëve, trupi gjykues, i konsultuar ne vend, vendosi të administrojë në cilësinë e provës përgjigjen e dërguar nga Prokuroria pranë Gjykatës së Rrethit Gjyqësor Durrës, si dhe vendosi të mbyllë hetimin gjyqësor të çështjes, duke i ftuar palët në paraqitjen e konkluzioneve përfundimtare.

Po në të njëjtën seancë, gjatë bisedimeve përfundimtare, Komisioneri Publik deklaroi se u qëndron të gjitha shkaqeve të ankimit dhe parashtrimeve në seancat gjyqësore, duke vlerësuar se provat dhe pretendimet e parashtruara nga subjekti i rivlerësimit nuk arritën të provojnë të kundërtën e ankimit. Komisioneri Publik i kërkoi Kolegjit ndryshimin e vendimit nr. 221, datë 10.12.2019, të Komisionit të Pavarur të Kualifikimit dhe shkarkimin nga detyra të subjektit të rivlerësimit, znj. Anita Jella.

Subjekti i rivlerësimit, znj. Anita Jella, ka kundërshtuar shkaqet e ankimit të Komisionerit Publik, duke deklaruar se janë të pabazuara në ligj dhe në prova dhe se kërkimi i tij përfundimtar, në shkelje të parimit të proporcionalitetit dhe objektivitetit. Znj. Anita Jella kërkoi lënien në fuqi të vendimit të Komisionit të Pavarur të Kualifikimit nr. 221, datë 10.12.2019.

Sot KPA ka dalë me vendim përfundimtar, duke lënë në fuqi vendimin e shkallës së parë të Vettingut për Jellën./CNA.al

Lajmet e fundit nga