E fundit!

14:04 Kosova & Bota

Këshilli i BE-së miraton marrëveshjen tregtare me SHBA-në

Këshilli i Bashkimit Evropian dha sot miratimin përfundimt...

Transaksione financiare të dyshimta dhe fshehu një hotel/ Prokurorja e Tiranës, nxirret jashtë sistemit të drejtësisë

3 Shkurt 2022, 10:40, Vetingu CNA

Komisioni i Pavarur i Kualifikimit, i përbërë nga Brunilda Bekteshi, Suela Zhegu dhe anëtare Firdes Shuli, ka shkarkuar sot nga detyra prokuroren e Tiranës Elina Kombi.

Shkarkimi i saj erdhi, pasi KPK ka konstatuan pamundësi financiare për blerjen e një apartamenti në Pogradec të përfituar nëpërmjet privatizimit si dhe për ndërtimin e një shtese, për një shtëpi me tre kate të trashëguar prej bashkëshortit nga i ati.

Sipas KPK, prokuroja nuk ka pasur mundësi financiare për të blerë apartamentin me sipërfaqe 69 m2 në Pogradec.

Gjithashtu KPK ka gjetur balanca negative edhe për ndërtimin e një shtese me sipërfaqe totale 104 m2 në dy kate, një prej të cilëve papafingo.

KPK ka konstatuar më tej edhe llogari të dyshimtë financiare dhe prokurorja nuk ka arritur të provojë me dokumentacion burimet e një depozite në vlerën rreth 41 mijë USD.

Po sipas KPK nuk është provuar, se as prindërit e prokurores nuk ka pasur mundësi për kursimin e një vlere 20 mijë USD që ia kanë dhënë prokurores Kombi, që së bashku me depozitën e bashkëshortit janë deklaruar si një prej burimeve të një shtëpie të ndërtuar nga vjehrri në fshatin e tij të lindjes në Pogradec.

KPK i ka mëshuar faktit se prokurorja Kombi ka një aktivitet hotelier të padeklaruar dhe të paregjistruar.

Prokurorja Kombi e ka justifikuar hotelin, duke thënë se ka qenë thjesht një ide e vjehrrit të saj të ndjerë, por kur nuk kanë pasur hotel.

Por nga verifikimet e kryera në platformën ?Google?, KPK ka evidentuar disa faqe online ku shtëpia që subjekti dhe bashkëshorti i saj kanë trashëguar nga prindërit e këtij të fundit, promovohet si ?Guest House?.

Vëzhguesi ndërkombëtar, Ferdinando Buatier e ka pyetur prokuroren se cili e kishte krijuar faqen në internet dhe Kombi ka pranuar se këtë gjë e kishte bërë bashkëshorti i saj në vitin 2015.

Ndërsa prokurorja ka mohuar prezencën e një hoteli në faqen online pasqyrohet se në këtë rezidencë janë mirëpritur rreth 8000 mysafirë.

E pyetur nga Buatier lidhur me kostot e pishinës që ndodhet në oborrin e banesës, subjekti pretendoi se ishte me përmasa të vogla dhe se nuk e dinte saktësisht se sa kishte shpenzuar vjehrri. Sipas saj, mund të ishin shpenzuar rreth 200 mijë lekë.

Në vijimësi Kombi ka mohuar se ka gënjyer për pasurinë ,e argumentin se kanë trashëguar pasuri dhe mund të ketë pasur ndonjë gabim të vogël në deklarim.

Më herët për të njëjtën prokurore ILD ka kërkuar nisjen e hetimit disiplinor ndaj saj por KLP e hodhi poshtë kërkesën e ILD-së.

Elina Kombi e ka nisur karrierën në sistemin e drejtësisë në vitin 1994. Ajo ka punuar fillimisht si prokurore në Prokurorinë e Pogradecit dhe prej vitit 2013 e ushtron funksionin në Prokurorinë e Tiranës./E.S-CNA.al

Inspektori i Drejtësisë e ndëshkoi/ Zbardhen lëvizjet financiare të prokurores së Tiranës