web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër gjyqtar jashtë sistemit të drejtësisë/ Nuk ndalen shkarkimet nga Vettingu

25 Shkurt 2022, 09:50, Vetingu CNA

Komisioni i Pavarur i Kualifikimit, KPK shpalli sot vendimin për shkarkimin e gjyqtarit të Durrësit, Shpëtim Reka.

Vendimi i shkarkimit të Rekës u mor nga trupa e KPK-së e kryesuar nga Lulzim Hamitaj, me relatore Genta Tafa (Bungo) dhe anëtare Alma Faskaj.

Gjatë seancës dëgjimore të mërkurën më 23 shkurt, gjyqtari Reka u përball me barrën e provës në të tre kriteret e rivlerësimit, për të cilat dha shpjegime dhe i kundërshtoi.

Nëpërmjet avokatit të tij, Genci Çifligu paraqiti një mbrojtje të gjatë duke kundërshtuar konstatimet për balancat negative, dyshimet për pasuri të fshehura për gjendjen në konfliktin e interesit me ndërtuesit e pallateve ku ka blerë një apartament dhe një tjetër që i është dhuruar të birit nga gjyshja, dyshime për veprime fiktive në blerjen e një automjeti si dhe huapërdorja pa afat e një makine nga një person i dënuar për trafik ndërkombëtar të lëndëve narkotike, shkruan Birn.

Shpëtim Reka e ka nisur karrierën në sistemin e drejtësisë në vitin 1994 dhe punon prej më shumë se dy dekadash si gjyqtar në Gjykatën e Durrësit./CNA.al





Lajmet e fundit nga