E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pasuria e dyshimtë ka “prerë kokat” e 115 gjyqtarëve dhe 66 prokurorëve/ Vettingu “boshatis” drejtësinë

15 Shkurt 2022, 10:42, Vetingu CNA

Në tre vite 115 gjyqtarë dhe 66 prokurorë janë nxjerrë nga sistemi i drejtësisë.

Bëhet fjalë për periudhën kohore nga 8 Shkurti i vitit 2018 deri në në fund të Janarit të vitit 2022.

Vettingu ka zbrazur gjykatat kryesisht por edhe organin e akuzës, ndërkohë që edhe qindra të tjerë presin të rivlerësohen.

Pak ditë më parë, Kuvendi votoi ndryshimet kushtetuese që çojnë në zgjatjen e mandateve të komisionerëve të Vettingut, në të dyja shkallët.

Deri më tani kanë kaluar në sitën e Vettingut 499 gjyqtarë dhe prokurorë apo edhe inspektorë të sistemit të drejtësisë.

Pjesa e më e madhe e gjyqtarëve dhe prokurorëve janë shkarkuar për shkak të pasurisë.

Për një pasuri për të cilën nuk ka pasur hetime penale, përjashtuar këty dy apo tre raste për ish gjyqtarët e Gjykatës së Lartë dhe asaj Kushtetuese apo edhe për ndonjë rast të lakuar nga politika.

Pra, janë shkarkuar dhe askush është marrë më me ta dhe për pasojë një pjesë i kemi sot sërish në drejtësi, në sistemin e avokatisë.

Deri më dje i hetonin, i dënonin dhe i gjykonin, sot janë bërë mbrojtës, të atyre që dikur i quanin të pandehur.

Komisioni i Pavarur i Kualifikimit nga data 8 shkurt 2018 deri në datën 31 janar 2022 ka dhënë 499 vendime.

195 vendime janë dhënë për konfirmimin në detyrë të 101 gjyqtarëve, 82 prokurorëve, 2 ish inspektori KLD/kandidat për gjykatë apeli, 1 inspektore e komanduar në ILD dhe 9 ndihmësve/këshilltarë ligjorë.

184 vendime janë dhënë për shkarkimin nga detyra të 115 gjyqtarëve, 66 prokurorëve, 1 inspektori në ILD dhe 2 ndihmësve ligjorë.

76 vendime janë dhënë për ndërprerje të procesit për 47 gjyqtarë, 19 prokurorë, 2 ishinspektori në KLD dhe 8 ndihmësve ligjorë.

8 vendime janë dhënë për pushimin e procesit për 3 gjyqtarë, 1 prokuror dhe 4 ndihmës ligjorë në Gjykatën e Lartë.

34 vendime janë dhënë për përfundimin e procesit për 21 gjyqtarë, 11 prokurorë dhe 1 ish-Kryeinspektori i KLD-së dhe 1 ish-Inspektori ILD.

2 vendime janë dhënë për pezullimin nga detyra të 2 prokurorëve. Këto vendime pasqyrohen në grafikët e mëposhtëm./CNA.al