LEXO PA REKLAMA!

SHKARKO APP

Bëmat e "kamikazit" të Rilindjes/ Zvarriten hetimet Vetting për Arben Agovin

13 Mars 2022, 12:02, Vetingu CNA
Bëmat e "kamikazit" të Rilindjes/ Zvarriten hetimet Vetting

Prokurori Arben Agovi prej një viti ndodhet nën hetim nga Vettingu dhe ende nuk ka një datë për seancën dëgjimore.

Me datë 27.04.2021, Këshilli i Lartë i Prokurorisë, ka transferuar Agovin nga Lezha në Tiranë.

Nga Kurbini, ku ka të gjithë karrierën e ka të përqëndruar ai është sjellë në Tiranë, ndërkohë që hetimet Vetting zvarriten ndaj tij.

Dyshohet se hetimet po zvarriten qëllimisht derisa Agovi të kryejë porositë e dhëna nga Rilindja.

Sipas burimeve të CNA.al, Agovi po shantazhohet me procesin e Vettingut.

Dyshohet se që në momentin që u mor nga Lezha dhe u soll në Prokurorinë e Tiranës, pikërisht për të kryer punët e Rilindjes, ndryshe, i ?presin kokën? në Vetting.

Prokurori Arben Agovi, nuk është lakuar për ndonjë sukses gjatë punë së tij.

Emri i tij është përmendur për disa çështje që ka pasur në duar dhe për mënyrën se si ka proceduar dhe si i ka mbyllur.

Kujtojmë se Prokurori Arben Agovi u lakua pas ?shpëtimit? të një 30 vjeçari, që mblidhte para në emër të kryeministrit Edi Rama.

Shtetasi A.Meli u raportua nga Policia, pasi kishte hapur një llogari në rrjete sociale me emrin ?Rilindje?, ku kishte postuar një status në emër të kryeministrit Edi Rama, përmes të cilit u kërkonte qytetarëve të solidarizohen dhe të kontribuojnë me para për familjet e dëmtuara nga tërmeti.

Ai kishte lënë në dispozicion edhe në dy numra llogarie, që në të vërtetë ishin llogari private të tij. Por, 30 vjeçari arriti të dilte nga burgu me pretendimin se ka problem shëndetësore.

Prokurori Arben Agovi ka shfrytëzuar nenin 59 të kodit Penal, kërkesë që u pranua nga gjyqtarja Ornela Naqellari, e cila vendosi pezullimin e ekzekutimit të dënimit me burgim të mbetur pa vuajtur për të pandehurin dhe vënien e tij në provë për një periudhë prej 3 vitesh.

Arben Agovi ka hetuar më herët ish-kreun e Këshillit të Qarkut Lezhë, Bardh Ricën dhe ish-drejtorin e Urbanistikës së këtij institucioni, Nik Sokoli për falsifikim dokumentash dhe ndërtim të paligjshëm

Hetimet në lidhje me rastin nisën në vitin 2018.

Me vendimin Nr. 127 datë 13.04.2018 të Gjykatës së Rrethit Gjyqësor Lezhë u vendos masa e sigurimit pasuror ?sekuestro preventive? për këta objekte të cilat në atë kohë ishin në ndërtim.

Pas shqyrtimit të çështjes në themel që zgjati për rreth 1 vit, Gjykata e Lezhës doli në konkluzionin se nuk ka element te veprës penale./CNA.al

Lajmet e fundit nga