E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

Prokurorja që hetoi dosje të “nxehta” përballet me KPA

30 Mars 2022, 10:19, Vetingu CNA

Elisabeta Imeraj e njohur si prokurorja e dosjeve ?të nxehta? mori drejtimin e Prokurorisë së Tiranës me 18 Mars 2021.

Nga Krimet e Rënda Imeraj u emërua në organin e akuzës të kryeqytetit duke ngjallur shpresë për hapjen e dosjeve të tëra të pluhurosura në sirtaret e Prokurorisë.

Me 1 Prill 2021, Komisioni i Pavarur i Kualifikimit konfirmoi në detyrë, Elisabeta Imerajn,pasi rezultoi e pastër në të tria kriteret, si në aspektin e pasurisë, në anën profesionale dhe sa i përket pastërtisë së figurës.

Për herë të parë në krye të Prokurorisë së Tiranës, ishte një prokurore që të korruptuarit e të inkriminuarit duhej? tja kishin frikën, pasi Imeraj që tek Krimet e Rënda kishte treguar se nuk bënte kompromise që shkelnin Ligjin.

Tashmë Imeraj, që në ambjetet drejtësisë cilësohet si prokurorja e hekurt, po përballet me shkallën e dytë të Vettingut, ndërkohë që ka ndryshuar situatën rrënjësisht në mënyrë pozitive në Prokurorinë e Tiranën.

Përballë rezultateve të larta si drejtuese prokurorie, Imeraj ka KPA, së cilës sigurisht duhet t?i interesojë që në radhët e prokurorisë, ka një të tillë si Imeraj, që për fat të keq numërohen me gishta në drejtësinë e sotme.

Elisabeta Imeraj është një nga prokuroret më me eksperiencë të sistemit të drejtësisë që është përballur me disa nga dosjet më të vështira të korrupsionit në nivel politik dhe të krimit të organizuar të nivelit të lartë.

Imeraj, është prokurorja që ka hetuar çështje të rëndësishme, si dosja Shullazi apo edhe dosja e 9 imamëve të akuzuar për terrorizëm të cilët u dënuan maksimalisht nga drejtësia shqiptare vjen në krye prokurorisë së Tiranës.

Pa harruar këtu dosjen ?Tahiri?, ku profesionalizmi i saj “mbërtheu” edhe Këshillin e Mandateve, për dy ditë rrjesht.

Gjithashtu ajo ka hetuar dosje të tjera të bujshme si ajo e Shullazit, Orest Sotës, të cilit iu gjetën 863 mijë euro në makinë, që sipas prokurorisë nuk justifikoheshin dhe kishin si adresë ish-ministrin Saimir Tahiri, apo edhe grupin e trafikantit ndërkombëtar të drogës Met Kananit, i njohur si ?Eskobari shqiptar?.

Prokurorja Imeraj ka nisur punë si prokurore në Prokurorinë e Rrethit Gjyqësor Shkodër në vitin 2004, më vonë është emëruar në prokurorinë pranë Gjykatës për Krimet e Rënda dhe vetëm një vit më parë zyrtarisht ajo ka marrë drejtimin e Prokurorisë së Tiranës./CNA.al