web counter
LEXO PA REKLAMA!

SHKARKO APP

App Store
Google Play

E fundit!

x

Arjan Ndoja para KPK/ Zbardhet debati i fortë me përfaqësuesin e ONM

29 Prill 2022, 17:23, Vetingu CNA

Komisioni i Pavarur të Kualifikimit (KPK) ka zhvilluar sot seancën për prokurorin e Durrësit Arjan Ndoja, i cili ka qenë shënjestër e një atentati në autostradën Tiranë-Durrës, në vitin 2019.

ONM ka konstatuar se ka të dhëna se Ndoja ka kontakte me ekspontente të krimit të organizuar, që janë shumë aktivë jashtë Shqipërisë.

Nga ana tjetër, DSIK ka deklaruar se Ndoja ka favorizuar persona me precedentë penal. Sipas DSIK, në vitin 2009 dhe 2010 ka rezultuar se ka pasur kontakte me persona të përfshirë në korrupsion, duke caktuar një trupë gjykuese për një konflikt prone.

Gjithashtu në seancë u përmend edhe atentati që iu bë prokurorit në vitin 2019 dhe fakti se ai ka qenë në prani të personave të njohur për institucionet ligjzbatuese.

Por këto gjetje janë mohuar nga vetë prokurori, i cili ka debatuar ashpër me përfaqësuesin e ONM, Theo Jacobs.

Jacobs deklaroi se shqiptarët e dinë se me kë shoqërohet dhe e akuzoi se del xhiro me personat e gabuar. Ai theksoi se nuk do pranonte kurrë ta kishte në staf si prokuror nëse do të ishte shef.

Ndërkohë, Ndoja tha se përfaqësuesi i ONM po e paragjykon dhe kërkoi që ky i fundit të mos merrej me fjalë kafenesh, por të pyeste njerëzit që e njohin nga afër.

Debati i plotë mes Theo Jacobs dhe Arjan Ndojës:

Theo Jacobs: S?do të doja kurrë t?iu kisha në staf si prokuror nëse do të isha shef. Ju jeni i pasinqertë. Në deklaratën e 2008 thoni që keni fituar 250 mijë euro në vit si avokat. E nëse në tre vite që ishit jashtë sistemit fituar 750 mijë euro, përse ju duhet ju prokuroria? As në Belgjikë avokatët më të mirë s?fitojnë kaq edhe pse çmimet e standardet janë shumë më të larta se në Shqipëri.

Ju shkoni e dilni xhironi me persona të gabuar. Përse ju duhet një shofer privat që e paguani nga xhepi? Shqiptarët dinë shumë për personat që ju shoqëroheni por ata s?janë hetuar kurrë! Kur futeni në sistemin e drejtësisë, ju mendoni se keni më shumë të drejta se qytetarët. Por e vërteta është ndryshe. Ju duhet të keni më pak. Ju duhet të qëndroni larg njerëzve që kanë konflikte me ligjin. Ju jeni inteligjent dhe i zgjuar, do të duhet të ishit një aset i këtij vendi. Të qenit prokuror e di që është e vështirë por s?është punë të jeni në xhiro e me kontakte. E vetmja punë dhe ju se keni respektuar. E për këtë s?do të doja kurrë t?ju kisha në skuadër.

Arian Ndoja: U riktheva në sistemin e prokurorisë pasi gjykata më dha të drejtë. Kisha kontratë me magjistraturën dhe prandaj u riktheva në sistem për ti dhënë përgjigje Jacobs, pse u riktheva se kisha të ardhura të mira. Fakti që jam i pasur dhe paratë e mia janë të ligjshme s?më pengon për asgjë. Unë përmbush kushtet dhe kriteret. Për lëvizjet me persona të inkriminuar, Jacobs beson se 60% të magjistratës e kap vettingu për kontakte të papërshtatshme. Nuk bëhet me perceptime. Po të kishim punuar, të siguroj se do të kishe të tjera mendime e raporte. Shkoni tek lokalet përballë prokurorisë. Aty është skaneri real i çdo njërit prej nesh. Në asnjë vend të botës nuk gjykohen prokurorët e gjyqtarët për vendimet që marrin. Vepër penale s?kam bërë, masë disiplinore s?kam. Ju më thoni fajtor. Po ku bazoheni? Sot sistemi i drejtësisë është më keq edhe falë jush e ndërkombëtarëve. Kërkoj konfirmim në detyrë. S?kam bërë asnjë shkelje profesionale. Në aspektin e pasurisë, jam i vetmi prokuror që kam dhuruar prona. Kam dhënë para pa interes se s?ma lejon feja. Jam i vetmi që nuk kam fshehur asnjë pronë apo ta vendos në emër të të tjerëve. Të zgjedhurit vendor i kam takuar si drejtues prokurorie pasi ligji më kërkon të takoj si kryetar bashkie e kryetar qarku. Në respekt të Kushtetutës të Shqipërisë dhe ligjit të vetting, dua konfirmim në detyrë./ CNA.al

I mbijetoi atentatit/ KPK: Arjan Ndoja ka pasur kontakte me politikanë e kriminelë





Lajmet e fundit nga