E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

“Më puthi në zyrë”/ Gjyqtari i “seksit” në Vetting

25 Prill 2022, 09:59, Vetingu CNA

Ish-kryegjyqtari i Gjirokastrës Guximtar Boçi do të përballet me Vettingun me 28 Prill 2022.

Trupa Gjykuese që do të bëjë rivlerësimin e tij përbëhet nga Suela Zhegu,Brunilda Bekteshi dhe Lulzim Hamitaj.

Boçi nuk është një emër i padëgjuar në sistemin e drejtësisë.

Kujtojmë se Këshilli i Lartë i Drejtësisë vendosi unanimisht për shkarkimin e kryegjyqtarit në tetor të vitit 2016, pasi emisioni investigativ ?Stop? publikoi një videoskandal, ku Boçi kërkonte favore seksuale në këmbim të drejtësisë.

Qytetarja Rudina I. denoncoi publikisht ish-kryegjyqtarin me anë të një audiopërgjimi nga bisedat, kur ajo i kishte kërkuar ndihmë për një gjyq për çështje pronësie me ish-burrin dhe ish-vjehrrën, por Boçi i kishte kërkuar marrëdhënie intime.

Qytetarja pretendonte se Boçi e kishte puthur në zyrë dhe i kishte kërkuar disa herë që të kryenin marrëdhënie seksuale, në mënyrë që qytetarja të fitonte çështjen gjyqësore.

Pasi gruaja humbi gjyqin, denoncoi Boçin, ndërkohë që ky i fundit u akuzua për disa vepra penale, mes të cilave eedhe korrupsion pasiv.

Më pas Boçi shpall i pafajshëm nga Gjykata e Apelit të Vlorës në muajin shtator të vitit 2018.

Sipas tij ekspertiza e Policisë Shkencore e nxori audio-përgjimin si të sajuar me programe kompjuterike edhe pse denoncuesja pretendonte se në 50 minuta përgjime janë publikuar vetëm 4 minuta.

Me marrjen e pafajësisë, ish-kryegjyqtari iu drejtuar KLGJ-së me një kërkesë ku kërkon rikthimin në detyrë, ndërkohë që thekson se

Me 29.10.2019, Këshilli i Lartë Gjyqësor vendosi pezullimin e kërkesës për kthimin në detyrë të gjyqtarit Guximtar Boçi.

Pas diskutimeve, Këshilli vendosi pezullimin e shqyrtimit të kërkesave të paraqitura nga gjyqtari Guximtar Boçi, për rikthimin e tij në funksionin e kryetarit të Gjykatës së Rrethit Gjyqësor Gjirokastër dhe në detyrën e gjyqtarit për shkak se kërkesat janë për shqyrtim para Gjykatës Administrative të Apelit.

Ish-gjyqtari Boçi ka drejtuar kërkesa në mënyrë të përsëritur në KLD prej 09.06.2017 e në vazhdim duke kërkuar rikthimin në detyrë, por kërkesa e tij nuk janë marrë në shqyrtim.

Kërkesa e parë është drejtuar në datën 9 qershor 2017, ndërsa kërkesa e fundit që i drejtohet organit të ri KLGJ mban datën 20 dhjetor 2018.

Tashmë ai do të përballet edhe me Vettingun./CNA.al

Krimet e Rënda përfshihen në skandal/ Favorizuan ?gjyqtarin e seksit?

?Stop? rikthen skandalin/ Guximtar Boçi dhe kalvari i (pa)drejtësisë së çështjes së tij

Kërkoi favore seksuale/ Ish-kryegjyqtari kërkon rikthimin në detyrë

Audio-përgjimi/ KLD shkarkon gjyqtarin Guximtar Boçi