KPA rikthen në detyrë ish kreun e Gjykatës së Tiranës/ “Rrëzon” KPK

14 Prill 2022, 07:40, Vetingu CNA
KPA rikthen në detyrë ish kreun e Gjykatës së Tiranës/

KPA rikthen në detyrë ish kreun e Gjykatës së Tiranës, Fatri Islamaj. Sipas kolegjit shkalla e parë e Vettingut e ka shkarkuar padrejtësisht.

Në Dhjetor të vitit 2019, Komisioni i Pavarur i Kualifikimit  vendosi shkarkimin e gjyqtarit të Apelit të Tiranës, Fatri Islamaj, për shkak të pasurisë.

Treshja gjykuese që kreu procesin e rivlerësimit të gjyqtarit Islamaj përbëhej nga Lulzim Hamitaj kryesues, Valbona Sanxhakatari relatore dhe Pamela Qirko anëtare. Në cilësinë e vëzhguesit ndërkombëtar ishte i pranishëm Hans Klijstra.

Fatri Islamaj ka përfunduar Shkollën e Magjistraturës në vitet 2003-2006 dhe e ka nisur karrierën në sistemin gjyqësor nga Gjykata e Fierit. Në vitin 2010, ai është transferuar në Gjykatën e Tiranës dhe tre vjet më vonë u emërua kryetar i kësaj Gjykate.

Pas tre vitesh drejtimi të Gjykatës së Tiranës, Fatri Islamaj u dekretua nga presidenti Bujar Nishani si gjyqtar i Gjykatës së Apelit të Tiranës në vitin 2016. Gjatë këtij viti, Islamaj ka ushtruar gjithashtu funksionin si anëtar i Këshillit të Emërimeve në Drejtësi, i zgjedhur përmes shortit./CNA.al

 

Lajmet e fundit nga