E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

“Prokurori jetoi në banesat e trafikantëve të drogës?”/ Ludovik Dodaj, në dorë të Apelit të Vetingut

4 Qershor 2022, 13:55, Vetingu CNA

“Prokurori jetoi në banesat e trafikantëve të

Ditën e martë, më datë 07.06.2022, ora 10:00, do të gjykohet në seancë gjyqësore publike çështja (JR) nr.35/2020, datë 11.09.2020 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 255, datë 08.06.2020, që lidhet me subjektin e rivlerësimit Ludovik Dodaj.

Trupi gjykues për gjykimin e kësaj çështjeje përbëhet nga kryesuese Natasha Mulaj, relatore Albana Shtylla dhe anëtarë, Ina Rama, Rezarta Schuetz, Sokol Çomo.

Prokurori i Apelit të Durrësit u konfimua në detyrë nga shkalla e parë e Vettingut në qershor të vitit 2020, nga trupa gjykuese e përbërë nga Suela Zhegu, me relatore Genta Tafa (Bungo) dhe anëtar Olsi Komiçin.

Sipas KPK-së nga hetimi i thelluar Dodaj nuk kishte pasur probleme as në kriterin e figurës dhe as në atë të profesionalizmit, por Komisioneri Publik ka vërejtur të kundërtën.

IKP kundërshton KPK

Me 9 Korrik 2020, Komisioneri Publik, Florian Ballhysa, ankimoi në Kolegjin e Posaçëm të Apelimit vendimin e konfirmimit në detyrë të prokurorit të apelit Durrës Ludovik Dodaj duke argumentuar se subjekti i rivlerësimit “nuk arrin nivel të besueshëm për konfirmimin e tij në detyrë”.

Ballhysa ngriti pikëpyetje mbi paratë e deklaruara në vitin 2003 të Dodajt prej 2.2 milionë lekësh të mbajtura në shtëpi si para të thata dhe të krijuara me burim nga shitja e një shtëpie në Shkodër në masën 1.9 milionë lekë dhe shitjes së mobiljeve në masën 300 mijë lekë.

Gjithashtu pikëpyetje u ngritën nëse subjekti kishte apo jo në dispozicion 25 mijë euro të paguara në vitin 2006 për blerjen e apartamentit në Durrës.

Sipas Ballhysës, Komisioni i Pavarur i Kualifikimit ka shkuar përtej pretendimeve të subjektit për të justifikuar shpenzimet që nuk mbulohen dot nga të ardhurat e ligjshme të subjektit.

Komisioneri llogarit se prokurorit Dodaj i rezulton një diferencë negative e akumuluar në vite prej 3.1 milionë lekësh shpenzime dhe kursime të cilat duket se nuk justifikohen nga të ardhura të ligjshme.

Në ankimim ndër të tjera thuhet se Dodaj ka probleme edhe me kriterin e pastërtisë së figurës, pasi ka deklaruar se nga viti 2002 deri në vitin 2006 ka banuar pa kundërshpërblim te banesat e dy të njohurve të tij, të cilët, vite më vonë, janë hetuar, njëri për trafik droge dhe tjetri për abuzim me detyrën dhe shkelje të barazisë në tenderë.

“Komisioneri Publik konstaton se Komisioni e ka kufizuar vlerësimin e rezultateve të hetimit administrativ, të paktën për njërin nga këta shtetas, duke i vlerësuar vetëm brenda përcaktimeve të kontrollit të figurës, ndërkohë që ka pasur elemente të mjaftueshme për të vërtetuar ekzistencën e përmbushjes së kritereve të vlerësimit të etikës profesionale nga ana e subjektit të rivlerësimit”, shkruan Ballhysa në ankimim./CNA.al