E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Denoncimi-Genta Bungo kërcënon me jetë dëshmitaren/ Rrëfehet ish-punonjësja e KPK-së

10 Maj 2022, 06:30, Vetingu CNA

Deklarata të forta nga një ish-punonjëse e KPK-së, janë bërë mbrëmë në emisionin ?Të Paekspozuarit?, ku ka qenë e ftuar prokurorja e shkarkuar, Elisabeta Imeraj.

Në emision ka ndërhyrë një ish-punonjëse e KPK-së, e cila nuk u identifikua me emër publikisht, por u identifikua si ish-punonjëse e këtij institucioni prej tri vitesh.

Ajo tha se ka marrë kërcënime me jetë dhe deklaroi se ish-eprorja e saj, Genta Bungo, urrente Elisabeta Imerajn dhe ka bërë komente të natyrës diskriminuese ndaj saj, për origjinën si veriore.

Pjesë nga biseda:

Ylli Rakipi: Mirëmbrëma zonjë, ju nuk doni të identifikoheni?

Ish-punonjësja e KPK: Jo sepse ndihem e kërcënuar. E dinë një pjesë njerëzish kush mund të jem, por mos të jem shumë e ekspozuar. Jeta sot është e shtrenjtë.

Ylli Rakipi: Ju keni punuar pranë organeve të vetingut?

Ish-punonjësja e KPK: Kam punuar për gati 3 vite në KPK. Kam plotësuar përveç kritereve profesionale, ligjore, kam qenë nën certifikatë sigurie. E kam presupozuar veten një person të monitoruar përgjatë të gjithë kohës. Besoj se kam treguar integritet dhe profesionalizëm.

Ylli Rakipi: Gjatë kohës së shkarkimit të Imerja ishit në punë?

Ish-punonjësja e KPK: Kam gati një vit që jam larguar nga puna me dëshirën time.
Jam kërcënuar me jetë në tetor 2021. Më ka ndodhur edhe në shkurt 2019. Jam kërcënuar unë dhe familja. U jam drejtuar organeve kompetente. Hetimi është mbyllur pa asnjë rezultat dhe asnjë gjetje. Herën e dytë ishte kërcënim verbal nga person fizik i maskuar. Kërcënimi që më shprehu ishte në emër të ish-titullares që kam punuar.

Ylli Rakipi: Kush është titullarja?

Ish-punonjësja e KPK: Zonja Genta Bungo. Duke qenë se jam person që pavarësisht kërcënimit dhe gjërave që ndodhin, prirem t’u drejtohem organeve ligjore.

Ylli Rakipi: A u jeni drejtuar?

Ish-punonjësja e KPK: Po, policisë. Kur më ka ndodhur kërcënimi.

Ylli Rakipi: Çfarë ka qenë kërcënimi?

Ish-punonjësja e KPK: Në lidhje me disa mesazhe që kisha këmbyer me titullaren, personi më ka bërë kërcënimin.

Ylli Rakipi: Si lidhet me Elisabeta Imeraj?

Ish punonjësja e KPK: Mesazhet që kam këmbyer me zonjën, i kam shprehur disa gjëra që kanë lidhje edhe me zonjën Imeraj. Nëse do të isha person pa integritet, do të kisha nxjerrë gjëra të tjera.

Ylli Rakipi: Çfarë keni kuptuar?

Ish-punonjësja e KPK: I jam drejtuar zonjës Genta, në lidhje me çfarë kam kuptuar se ka ndodhur me çështjen e zonjës Imeraj.

Ylli Rakipi: Çfarë kishit kuptuar ju?

Ish-punonjësja e KPK: Atë e di i gjithë institucioni për urrejtjen që zonja Genta kishte ndaj zonjës Imeraj dhe veriorëve në përgjithësi.

Ylli Rakipi: Ua ka shprehur ju këtë gjë? Çfarë ju ka thënë?

Ish-punonjësja e KPK: Kanë qenë disa raste. Unë i kam shprehur në dëshmitë e mia. Mbaj përgjegjësi të plotë. Janë situata reale të vërteta.

Ylli Rakipi: Elisabetës ia keni treguar këtë?

Ish-punonjësja e KPK: Si mund t’i tregoj unë? Unë me zonjën Imeraj nuk kam komunikuar.

Ylli Rakipi: Përse e ndieni të nevojshmë të na i thoni ne? Duket sikur keni konflikt edhe me Bungon.

Ish-punonjësja e KPK: Është një situatë që nuk dua të flas, sepse është çështje për të cilën po bëhet hetim dhe nuk mund të flas më tepër për të.

Mentor Kikia: Kjo dëshmi në kushtet e anonimatit, jemi të prirur ta konsiderojmë me rezerva, por është një sinjal që përtej këtij komunikimi, a do të konsiderohet të çohet më tej. Do të jetë e nevojshme.

Ylli Rakipi: Ne kemi një eksperiencë si gazetarë, nuk dua të të nxit për të bërë më shumë se kaq, por kemi një rregull, kur shfaqemi direkt jemi më të mbrojtur./CNA.al