LEXO PA REKLAMA!

SHKARKO APP

Mbi 122 gjyqtarë dhe 75 prokurorë, të shkarkuar/ Çfarë pritet nga Vettingu në shtator?

16 Gusht 2022, 10:18, Vetingu CNA

Mbi 122 gjyqtarë dhe 75 prokurorë, të shkarkuar/

Vettingu për gjyqtarët dhe prokurorët pritet të rinisë në shtator, pas pushimeve të gushtit.

Vitin që lamë pas, edhe këtë vit, procesi ka vijuar me ritme të ngadalta si nga shkalla e parë, KPK, ashtu edhe nga shkalla e dytë.

Ky proces ishte parashikuar të përfundonte brenda tri viteve, por kanë kaluar pesë vite dhe lista është ende e gjatë, me gjyqtarë, prokurorë, këshilltarë e ndihmës ligjorë që do t’u duhet të kalojnë në filtrin e Vettingut.

Në 5 vite shkarkimet janë pothuaje njësoj me konfirmimet në detyrë.

Të paktën nga shkalla e parë, në pesë vite janë dhënë 209 vendime për konfirmim në detyrë dhe 200 vendime për shkarkim nga detyra.

Pa llogaritur këtu gjyqtarët dhe prokurorët që kanë dhënë dorëheqjen për të cilët është ndërprerë procesi apo është përfunduar procesi nga Vettingu.

Ndërsa nga data 30 prill 2022 deri në 31 korrik 2022, ka marrë 33 vendime të tjera nga të cilët 13 gjyqtarë dhe prokurorë janë shkarkuar nga detyra.

Mbi 200 të shkarkuar nga detyra në 5 vite

Mbi 122 gjyqtarë dhe 75 prokurorë, të shkarkuar/

Komisioni i Pavarur i Kualikimit në 5 vjet funksionim ka dhënë 535 vendime.

209 vendime për konfirmimin në detyrë të 105 gjyqtarëve, 92 prokurorëve, 2 ish-inspektorëve në KLD, 1 inspektori në KLGJ dhe 9 ndihmësve/këshilltarë ligjorë.

200 vendime për shkarkimin nga detyra të 122 gjyqtarëve, 75 prokurorëve, 1 inspektori në ILD dhe 2 ndihmësve ligjorë.

80 vendime për ndërprerje të procesit për 49 gjyqtarë, 21 prokurorë, 2 ish-inspektorëve në KLD dhe 7 ndihmësve ligjorë + 1 ish-prokurori; (Neni G i Aneksit të Kushtetutës)

8 vendime për pushimin e procesit për 3 gjyqtarë, 1 prokuror dhe 4 ndihmës ligjorë në Gjykatën e Lartë (neni 56 i ligjit nr. 84/2016).

35 vendime për përfundimin e procesit për 22 gjyqtarë, 11 prokurorë dhe 1 ish-kryeinspektori i KLD-së dhe 1 ish-inspektori ILD (neni 95 i Kodit të Procedurave Administrative dhe neni 64 i ligjit nr. 96/2016);

3 vendime për pezullimin nga detyra të 3 prokurorëve.

Reforma në Drejtësi u miratua me 21-22 korrik 2016 më 140 vota. Si rezultat i reformës në drejtësi lindën dhe institucionet e reja të drejtësisë bashkë me Komisionin e Pavarur të Kualifikimit.

Pas mbarimit të mandatit, Kuvendi arriti shumicën e cilësuar të votave miratimin e ndryshimin e Kushtetutës që parashikon zgjatjen me 36 muaj të afatit për funksionimin e organeve të vetingut, të Komisionit të Pavarur të Kualifikimit dhe Komisionerëve Publikë. Nismë, e cila mori 118 vota pro, asnjë kundër dhe 4 abstenim./CNA.al

Lajmet e fundit nga