web counter
LEXO PA REKLAMA!

SHKARKO APP

App Store
Google Play

E fundit!

x

Tre dëshmorët e Vettingut, nën hetim

25 Korrik 2022, 13:48, Vetingu CNA
Tre dëshmorët e Vettingut, nën hetim
Prokuroria e Posaçme Kundër Korrupsionit

Tre anëtarë të organeve të Vettingut, zyrtarisht janë vënë nën hetim nga SPAK-u, pasi janë gjetur me probleme, ndërsa ka kallëzime penale edhe për të tjerë anëtarë.

Ardian Hajdari, Etleda Çiftja, Luan Daci, janë të pandehurit e Vettingut në SPAK. 

Prej 7 shkurtit 2022, Ardian Hajdari është pezulluar nga detyra në KPA, pasi u mor i pandehur nga SPAK-u. Ardian Hajdari është anëtari i dytë i Kolegjit të Posaçëm të Apelimit që u procedua penalisht pas Luan Dacit, tashmë i shkarkuar.

 

Tre dëshmorët e Vettingut, nën hetim
Ardian Hajdari

 

Daci u shpall fajtor me vendim të formës së prerë për falsifikimin e formularit të aplikimit që e zgjodhi atë anëtar të Kolegjit.

 

Tre dëshmorët e Vettingut, nën hetim
Luan Daci

 

Ndërsa anëtarja e Komisionit të Pavarur të Kualifikimit, Etleda Çiftja, përballet me dy akuza, me atë të falsifikimit të dokumenteve dhe deklarimit të rremë të pasurisë.

 

Tre dëshmorët e Vettingut, nën hetim
Etleda Çiftja

 

Në SPAK, më herët është kallëzuar për falsifikim dokumentesh edhe anëtarja e KPK-së, Alma Faskaj, nga ish-gjyqtarja e Apelit Shkodër, Hajrie Muçmata.

Por, SPAK-u dhe gjykata e përjashtuan Alma Faskajn nga përgjegjësia penale, edhe pse veprimi dukej i ngjashëm me atë të Luan Dacit.

Biznes me Vettingun?

Komisionerët e Vettingut ndaj të cilëve ka kallëzime penale janë në duar të njerëzve që ata kanë rivlerësuar dhe kanë dhënë “ok”, që ata të mbeten në drejtësi.

Ky është një konflikt i hapur interesi, derisa ngrihen dyshime edhe për mënyrën se si një pjesë e subjekteve rivlerësuese e kanë kaluar Vettingun.

Nuk mund të hetohen dhe gjykohen komisionerët e Vettingut, nga prokurorë dhe gjyqtarë që dje i kanë “përkëdhelur”, duke i lënë në drejtësi.

Në korridoret e drejtësisë dhe nga denoncime të ndryshme flitet se janë paguar shuma të mëdha parash për të kaluar Vettingun.

Dhe tashmë “nderi” duhet kthyer, borxhi duhet larë.

Ata që dje i kaluan në Vetting, sot janë të pandehur që rrezikojnë të shpallen të pafajshëm.

Komisionerët e Vettingut, të paktën këta që janë zyrtarisht të pandehur apo “dëshmorët e Vettingut”, kanë falsifikuar dokumente, kanë deklaruar pasurinë në mënyrë të rreme, kanë fshehur burimet e të ardhurave dhe për këtë duhet të përgjigjen para ligjit.

Dhe për më tepër, vendimet e marra prej tyre janë të dyshimta. Janë me qindra vendime që ndoshta duhen rishikuar.

Ata ia kanë arritur që megjithëse kanë probleme me pastërtinë e figurës dhe me pasurinë, të jenë pjesë e komisioneve të Vettingut.

Sot, kur po dalin një pas një bëmat e tyre që mund të quhen kriminale, mund të thuhet se edhe Vettingu ka rënë dhe besueshmëria është në pikëpyetje.

Thënë më qartë, reforma në Drejtësi, e cila është një nga 5 kriteret që BE-ja dhe SHBA-ja vendosën si kushte për integrimin e Shqipërisë në Bashkimin Europian, ka marrë tatëpjetën./CNA.al





Lajmet e fundit nga