“Peshku i madh”, një milion dollarë, i pandehur/ Manovrat e ish-kreut të akuzës për t’i shpëtuar burgut

27 Korrik 2022, 12:51, Vetingu CNA

“Peshku i madh”, një milion dollarë, i pandehur/ Manovrat

Ish-kreu i Prokurorisë së Tiranës dhe ish-prokuror i Prokurorisë së Përgjithshme, Petrit Fusha, është marrë zyrtarisht i pandehur nga Prokuroria e Durrësit, për shkak të dyshimeve me pasurinë.

Denoncimi ndaj Fushës është bërë në maj të vitit 2019 te Krimet e Rënda, sot SPAK, nga Komisioni i Pavarur i Kualifikimit, pas hetimeve të bërë në kuadër të Vettingut.

KPK njoftoi në 2019-ën, se ka referuar në Prokurorinë pranë Gjykatës së Shkallës së Parë për Krimet e Rënda, raportin me rezultatet përfundimtare të hetimit administrativ, për ish-prokurorin, z. Petrit Fusha, në kuadër të procesit të rivlerësimit kalimtar për gjyqtarët dhe prokurorët në Republikën e Shqipërisë.

Lidhur me rastin, Komisioni ka vënë në dijeni edhe Prokuroren e Përgjithshme, që në atë kohë ka qenë Arta Marku.

Si tentoi Fusha të shpëtonte nga hetimet

Ish-drejtuesi i Prokurorisë së Tiranës, Petrit Fusha, me 28 shkurt 2019 dhe dorëheqjen nga detyra pas një karriere 32-vjeçare në sistemin e drejtësisë.

“Pas 32 viteve pune në shërbimin e Prokurorisë, çmoj se përvojën që kam mund ta përdor në dobi të një aktiviteti tjetër me më pak ngarkesë. Koha në të cilën po jetojmë është tej ngarkuar me ngjarje e fenomene të drejta e të padrejta. Një profesionist në moshën time natyrshëm zgjedh me maturi vendin se ku mund të kontribuojë më mirë.

Ndaj gjykova se Prokuroria nuk është më vendi ku unë mund të shërbej me përvojën 32-vjeçare. Një përvojë e akumuluar tashmë nga procese hetimore e gjykimi të çdo lloj çështje e niveli. Në këto kushte ju paraqes sot dorëheqjen time nga detyra e Prokurorit në Prokurorinë e Përgjithshme si dhe nga shërbimi i Prokurorisë”. Kështu e arsyetonte Fusha dorëheqjen e tij.

Por, Komisioni i Vettingut me kallëzimin që bëri te Krimet e Rënda pretendonte se janë të tjera arsye që e kanë shtyrë Fushën të largohet nga sistemi i drejtësisë.

Për shkak të ligjit nr. 84/2016 "Për rivlerësimin kalimtar të prokurorëve dhe gjyqtarëve në Republikën e Shqipërisë. Fusha i është nënshtruar procesit të rivlerësimit "ex officio", në bazë të pikës 3, të nenit 179/b, të Kushtetutës së Republikës së Shqipërisë.

Subjekti i rivlerësimit, z. Petrit Fusha, u është nënshtruar procedurave të rivlerësimit, duke u shortuar si subjekt në shortin e hedhur, më datë 15.01.2018, nga Komisioni i Pavarur i Kualifikimit, në përputhje me Rregulloren për procedurat e zhvillimit të shortit në Komisionin e Pavarur të Kualifikimit.

“Peshku i madh”, një milion dollarë, i pandehur/ Manovrat

Në mbledhjen e trupit gjykues të KPK-së, më datë 30.01.2018, u deklarua mungesa e konfliktit të interesit me subjektin e rivlerësimit nga anëtarët e trupit gjykues, si dhe u vendos fillimi i hetimit administrativ.

Me vendimin nr. 40, datë 16.07.2017, "Për rishpërndarjen me short dhe transferimin e dosjeve të çështjeve të komisionerit Alma Faskaj, nëpërmjet procedurës së shortit, anëtarja e trupit gjykues, znj. Alma Faskaj, për arsye shëndetësore, u zëvendësua me anëtaren Valbona Sanxhaktari.

Me datë 10.09.2018, Fusha është njoftuar me përbërjen e re të trupit gjykues dhe më datë 11.09.2018 ai ka konfirmuar mungesën e konfliktit të interesit me anëtarët e trupit gjykues.

Trupi gjykues, i përbërë nga Lulzim Hamitaj kryesues, Olsi Komiçi relator dhe Valbona Sanxhaktari anëtare, në prani edhe të vëzhguesit ndërkombëtar, me datë 26.02.2019, vendosi përfundimin e hetimit kryesisht për subjektin e rivlerësimit, z. Petrit Fusha, si dhe njoftimin e këtij subjekti për t`u njohur me materialet e dosjes, dokumentet e administruara nga Komisioni, si dhe rezultatet e hetimit, në përputhje me nenet 35 – 40 dhe 45 – 47 të Kodit të Procedurave Administrative.

Me datë 27.02.2019, ish-prokurorit Petrit Fusha iu dërguan rezultatet e hetimit administrativ kryesisht si dhe iu kalua barra e provës bazuar në nenin 52 të ligjit nr. 84/2016.

Por menjeherë pas këtij në fund të muajit shkurt 2019, Fusha dha dorëheqjen.

Duke i referuar deklaratave të pasurisë rezulton se pasuria e ish-prokurorit Fusha shkonte rreth 1 milion dollarë./CNA.al