LEXO PA REKLAMA!

SHKARKO APP

Komisioneri i Vettingut, i pandehur/ Ardian Hajdari përballet me togat e zeza

15 Shtator 2022, 10:27, Vetingu CNA

Komisioneri i Vettingut, i pandehur/ Ardian Hajdari përballet me togat e

Ardian Hajdari, ish-komisioneri i Vettingut sot do të përballet me togat e zeza.

Ai akuzohet nga SPAK-u për "Deklarim të rremë" dhe "Mosdeklarim pasurie" dhe sot zhvillohet seanca e parë ndaj tij si i pandehur.

Kallëzimi:

Anëtari i KPA, Hajdari u kallëzua në SPAK në qershor 2020 nga ish-gjyqtarë dhe ish-prokurorë që nuk kaluan procesin e vetingun.

Ish-prokuroria Antoneta Sevdari, ish-gjyqtari Ervin Metalla dhe ish-prokurori Elsion Sadiku e kallëzuan për falsifikim dokumentesh përveç fshehjes dhe mos deklarim të pasurisë.

Në janar 2020, ishte anëtari i Këshillit të Lartë të Prokurorisë, Besnik Cani që kallëzoi pranë SPAK, dy gjyqtarët e Kolegjit të Posaçëm të Apelimit, Ardian Hajdari dhe Luan Daci.

Sipas tij, Hajdari dhe Daci nuk përmbushin kushtet ligjore, përkatësisht; gjyqtari Hajdari nuk ka notën mesatare 8 të kërkuar nga ligji, ndërsa gjyqtari Daci ka fshehur shkarkimin e tij në vitin 1997.

Ish-prokuroria Sevdari paraqiti dhe një ankesë pranë Operacionit Ndërkombëtar i Monitorimit (ONM) për Hajdarin por që nuk u mor parasysh.

Sipas saj, Hajdari nuk plotëson tre kushtet kryesore që përcakton Kushtetuta për të qenë pjesë e KPA.

Servdari thotë se Ardian Hajdari nuk ka një eksperiencë prej 15 vite në sistemin e drejtësisë pasi ishte i regjistruar si avokat në Këshillin Rajonal të Avokatëve të Shkodrës për vetëm 13 vite.

Gjithashtu, ajo pretendon se Hajdari nuk ka asnjë dëshmi për ndonjë biznes të regjistruar, gjë që do të thotë se ka fshehur të ardhurat nga organet tatimore.

Sevdari më tej thekson se Hajdari nuk kishte notën mesatare jo më pak se 8, pasi në diplomën për drejtësi ka mesatare 6.44 ndërsa master nuk ka kryer asnjëherë./CNA.al

Lajmet e fundit nga