web counter
LEXO PA REKLAMA!

SHKARKO APP

App Store
Google Play

E fundit!

x

Vettingu i preu “kokën” anëtarit të KLP-së/ Dy kandidatë në garë për t'i zënë vendin

9 Shtator 2022, 09:28, Vetingu CNA

Vettingu i preu “kokën” anëtarit të KLP-së/ Dy

Këshilli i Lartë i Prokurorisë ka hapur garën për zgjedhjen e një anëtari të ri.

Kjo garë bëhet pas shkarkimit nga Komisioni i Posaçëm i Apelimit, të prokurorit të Apelit Durrës, Ludovik Doda.

Në garë për vendin vakant në KLP është kandidatura e prokurorit të Apelit Durrës, Etien Kapo, dhe kandidatura e prokurores së Apelit Tiranë, Ledina Riza.

Kujtojmë se Kolegji i Posaçëm i Apelimit shpalli vendimin për shkarkimin e prokurorit Ludovik Dodaj, pasi shumica e KPA arsyetoi se ai kishte bërë deklarim të pamjaftueshëm të pasurisë, sa u përket pagesave të kësteve për një apartament 108 metra në zonën e plazhit në Durrës.

Vettingu i preu “kokën” anëtarit të KLP-së/ Dy

Doda, i zgjedhur në tetor 2021 si anëtar i Këshillit të Lartë të Prokurorisë, u konfirmua në Komisionin e Pavarur të Kualifikimit në qershor të vitit 2020.

Por vendimi i konfirmimit u ankimua në Kolegj nga Komisioneri Publik, Florian Ballhysa.

Pas një sërë seancash, trupa e Kolegjit të Posaçëm të Apelimit me kryesuese Natasha Mulajn, relatore Albana Shtylla dhe anëtarë Ina Rama, Rezarta Schuetz, Sokol Çomo, vendosi të pranojë ankimin dhe prishë vendimin e Komisionit.

Mulaj në leximin e vendimit tha se vendimi i KPK-së u gjet i drejtë në kriteret e figurës dhe profesionalizmit, por shumica e trupës doli në përfundimin se Dodaj kishte bërë deklarim të pamjaftueshëm të pasurisë./CNA.al





Lajmet e fundit nga