LEXO PA REKLAMA!

SHKARKO APP

E fundit!

x

“Nuk jam unë peshku i madh”/ Apeli vendos për ish-gjyqtarin e Lartë, Admir Thanza

27 Shtator 2022, 11:58, Vetingu CNA

“Nuk jam unë peshku i madh”/ Apeli vendos për

Ish-gjyqtari Admir Thanza, i cili është akuzuar për falsifikim dokumentesh, është shpallur i pafajshëm nga Gjykata e Apelit.

Kujtojmë se në vitin 2019, Gjykata e Tiranës e ka shpallur fajtor për falsifikim dokumentesh dhe ka dënuar me 9 muaj burg ish-gjyqtarin e Gjykatës së Lartë, Admir Thanza.

Thanza u dënua pas zbulimit të ONM-së, në të cilin ai rezultonte i dënuar nga gjykata italiane me 40 ditë burgim për vjedhjen e një supermarketi.

Vetë Thanza nuk ka pranuar asnjë nga akuzat e ngritura ndaj tij, pasi, sipas tij, në vendin fqinj ai nuk ka asnjë dënim përveçse një sanksion të dhënë me marrëveshje për një vepër të cilën ai thotë që nuk e ka kryer, por e ka marrë përsipër për shkak të nipit të tij.

“Nuk e kam falsifikuar formularin e dekriminalizimit, nuk kam fshehur asnjë dënim. Nuk kam asnjë dënim penal nga Italia, por një sanksion të dhënë me marrëveshje për një vepër që s’e kam kryer”, ka deklaruar Thanza para trupit gjykues duke u kërkuar që të merret një vendim i drejtë pa u ndikuar nga vetingofobia.

Sipas tij, Prokuroria ka bërë pjesë të fashikullit hetimor edhe vendimin e KPK-së, i cili është administrativ dhe ndalohet t’i bashkëngjitej çështjes penale.

“E servirën sikur kapën peshkun e madh. Por unë sa të kem frymë nuk do rresht se kërkuari të drejtën dhe drejtësinë”, tha ai para se gjykata të jepte verdiktin e saj./CNA.al

Lajmet e fundit nga