web counter
LEXO PA REKLAMA!

SHKARKO APP

App Store
Google Play

Punimet te Banjat e Bënjës/ Denoncimi i gazetarit: Burimit natyror shekullor, i thanë ujin

25 Qershor 2026, 19:27, Denoncim CNA

Punimet te Banjat e Bënjës/ Denoncimi i gazetarit: Burimit natyror

Gazetari Elton Qyno ka bërë një denoncim në lidhje me punimet që po zhvillohen në Banjat e Bënjës në Përmet.

Me anë të një postimi, Qyno shkruan se prej dy muajsh llixhat e Bënjës janë tharë pothuajse plotësisht për shkak të betonit.

Gazetari shkruan se për këtë projekt në llixhat e Bënjës, Ministria e Kulturës dhe Turizmit shpenzoi 2 milionë euro dhe në fund pati rezultat asgjesimin e një nga zonaveë më piktoreske të Përmetit.

Qyno i ka bërë thirrje Prokurorisë Gjirokastër dhe SPAK të nisin një hetim për këtë rast.

 

Publikimi i gazetarit

 

“Kuçedra” e tenderave të betonit, i thau ujin dhe një prej burimeve më piktoreske, kurative dhe madhështore që natyra i kishte falur zonës së Përmetit.

Llixhat e Bënjës, të krijuara përmes burimeve nga e bukura natyrë, prej dy muaj kanë vdekur totalisht, duke dalë nga vendi i atraksionit të shumë preferuar për këdo vizitor që shkonte në Përmet.

“Kuçedra” e këtyre që drejtojnë lakminë e tenderave, thau thuajse plotësisht burimet natyrore, duke i shndëruar vaskat e betonit ca pellgje ku notojnë vetëm zhabat dhe perpelugat.

E dhimbshe kur shikon që një perlë natyrore siç ishin Llixhat e Bënjës, të katandiset në këtë fare feje nga dora e njeriut.

Dy milion euro, u hodhës në hava nga ministria e Kulturës dhe Turizmit për të bërë rilindjen e zonës turistike dhe pas pak muaj krijuan këtë shëmbëlltyrë bajate, duke asgjësuar një nga zonat më piktoreske të Përmetit dhe Leskovikut.

 

Futën aty matrapikë, betonjere, hekur e llaë dhe deri rolat, derisa i çanë damarët ujorë burimit shekullor të natyrës, duke e sjellë në këtë gjëndje që është në foto.

Një katastrofë mjedisore, që vetëm këta kështu dinë ta Rilindin. Një bukuri natyrore, ju shkatërrua Shqipërisë që tashmë vlen vetëm për vaska bretkosazh.

Prokuroria e Gjirokastrës apo qoftë dhe këta të SPAK-ut, të nisin urgjentisht një hetim penal për të hetuar të gjithë praktikën e kësaj maskarade që nga përzgjedhja paracaktuese e kompanisë që ka kryer punimet, që nga kompania që ka kolauduar punimet e deri tek ndërhyrjet jo teknike, që shkatëruan perlën e bukurisë së Përmetit, Llixhat e Bënjës.

Burimit natyror shekullor, këta i thanë ujin. A do mbajë kush përgjegjësi institucionale dhe penale për këtë skandal?

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga