web counter
LEXO PA REKLAMA!

SHKARKO APP

App Store
Google Play

Deklaratat e ministres serbe për Kosovën/ Marta Kos: Tronditëse, nuk mund të vazhdojë të ushtrojë detyrën

16 Korrik 2026, 15:28, Kosova & Bota CNA

Deklaratat e ministres serbe për Kosovën/ Marta Kos: Tronditëse,

Komisionarja për Zgjerim e Bashkimit Europian, Marta Kos, ka reaguar ashpër ndaj deklaratave të bëra nga ministrja e Administratës Publike dhe Vetëqeverisjes Lokale në Qeverinë e Serbisë, Snezhana Paunoviç.

Ministrja në qeverinë e Vuçiç-it u shpreh se po të kishte pasur lirinë e veprimit që kishte Slobodan Milosheviç, do ta kishte “spastruar etnikisht Kosovën”.

Ndërsa mbante fjalën e saj në Komitetin e Posaçëm për Mburojën e Demokracisë Europiane të PE-së, Kos e cilësoi si tronditëse një deklaratë të tillë në vitin 2026.

Sipas Kos, pas një deklarate të tillë publike, Paunoviç nuk mund të vazhdojë të ushtrojë detyrën e saj.

“Ishte tronditëse të dëgjonim diçka të tillë në vitin 2026. Nuk do ta përsëris as atë që ajo tha. Ishte vërtet tronditëse të dëgjohej një deklaratë e tillë. Nuk mund ta imagjinoj që një ministre, pas një deklarate të tillë publike, të mund të vazhdojë të ushtrojë detyrën e saj”, deklaroi komisionarja Kos./CNA





Lajmet e fundit nga