web counter
LEXO PA REKLAMA!

SHKARKO APP

App Store
Google Play

E fundit!

x

"Terroristët" e rrjeteve sociale duhen çuar para drejtësisë

16 Korrik 2026, 14:44, Editorial CNA
"Terroristët" e rrjeteve sociale duhen çuar para
Foto ilustruese

Prej ditësh bizneset në Shqipëri u përballën me një formë të rrezikshme të “terrorizmit” kibernetik. Nga Policia e Shtetit u identifikua një aktivitet i dyshuar dhe i koordinuar në hapësirën kibernetike ku mbi 10 mijë llogari publikonin masivisht komente dhe vlerësime negative për të dëmtuar reputacionin e bizneseve shqiptare.

Emrat e disa prej personave të këtij grupi u bënë publikë, pjesë e të cilit ishin edhe gazetarë që shpalleshin fitues dhe krenarë që godisnin renditjen e bizneseve shqiptare në arenën botërore.

Ne i quajtëm "terroristë", pasi me atë akt dëmtonin jo thjesht dhe vetëm një biznes të caktuar apo imazhin e Shqipërisë, por shkaktonin kosto dhe pasojat shkonin te qytetarët shqiptarë, pasi bizneset e mëdha që raportuan, kanë me mijëra punonjës, të cilët dëmtohen në qoftë se ai biznes falimenton, në qoftë se ai biznes ka më pak punë nga "review"-të negative.

Terror mbi biznesin

Për këtë shkak do të ketë më pak klientë, më pak të ardhura dhe më pas pasojat do të jenë katastrofale pasi pronarëve të bizneseve do t'u duhet të shkurtojnë pagat, duhet të pushojnë njerëz nga puna, do t'u duhet të bëjnë ndryshime strukturore.

Në fakt, këta "terroristë" të rrjeteve sociale nuk godasin një apo dy pronarë apo ata që i quajnë oligarkë, por godasin me mijëra e mijëra punonjës, njerëz profesionistë, drejtues, menaxherë, specialistë të thjeshtë.

Dhe më pas dalin, nxjerrin video, ndonjëri që duket si i droguar, ndonjë tjetër që duket si i lajthitur, duke shpallur “fitoren e madhe” se kanë goditur në rrjetet sociale me "review"-të negative biznesin. "Terroristë" të vetëdijshëm.

Siç raportohet, këto akte terroriste që ata kanë bërë kanë sjellë pasoja në shumë biznese, përtej pasojave që ka sjellë protesta, që mund të kenë ndikuar në zhvillimin e turizmit. Bizneseve u kanë rënë xhirot, për shkak të "review"-ve negative. Tashmë është përgjegjësia e këtyre bizneseve që t’i çojnë para drejtësisë "terroristët" e "review"-ve negative.

Nuk mund të ndalen me rikthimin e "review"-ve, por duhet të shkojnë dhe t'i çojnë përpara ligjit dhe t’u kërkojnë dëmin ekonomik të shkaktuar.

Janë të provuar me emër, me zë dhe me figurë, që bëjnë thirrje të tilla që sjellin pasoja kundër biznesit. Duhet që çdo kosto ekonomike që kanë shkaktuar, të paguhet nga dikush. Nuk kanë ndonjë ndryshim "terroristët" e rrjeteve sociale me sulmet me "review"-të negative ndaj bizneseve me gjobaxhinjtë mediatikë apo hajdutët e shtetit. Njësoj janë.

Për më tepër, këta e kanë dhe dëmin më të madh, sesa hajdutët dhe korrupsioni i pushtetit, se "review"-të tejkalojnë kufijtë./ CNA





Lajmet e fundit nga