web counter
LEXO PA REKLAMA!

SHKARKO APP

App Store
Google Play

E fundit!

x

Një vit pritje për 3 milionë borxh, çfarë ndodhi pas ndërhyrjes së “Stop”

4 Qershor 2026, 21:40, Denoncim CNA

Një vit pritje për 3 milionë borxh, çfarë ndodhi pas

Rasti i radhës i transmetuar në emisionin “Stop”, këtë të enjte, më 4 qershor trajton denoncimin e një qytetareje, e cila iu drejtua “Stop” me pretendimin, se ishte në pritje prej më shumë se një viti për të marrë mbrapsht 3 milionë lekë, të cilat ia kishte dhënë subjektit “Bea Marketing Promocion”, me administratore Ermelinda Sinani.

Sipas denoncueses, shuma ishte dhënë në kuadër të një projekti bashkëpunimi, me garancinë, se do t’i kthehej brenda një jave. Megjithatë, pavarësisht premtimeve të vazhdueshme, paratë nuk ishin kthyer.

“I kam bërë disa paralajmërime që do të marr masa do të të denoncoj me idenë që mund t ë reflektojë mbi situatën. Zonjën e kam njohur në një kompani private ku kam qenë e punësuar më herët, e cila kishte një bashkëpunim për të realizuar një event kulturor dhe në atë kohë më është afruar me idenë që hajde të bashkëpunojmë, gjë e cila nuk ndodhi kurrë. Ajo m’u afrua me idenë për të marrë këtë borxhin… Zyrat i kanë ndryshuar, kështu që e kam të pamundur të gjej një mënyrë takimi me zonjën.”

Qytetarja vuri në dispozicion komunikime mes palëve, si edhe dokumentacionin bankar, që provonte transferimin e shumës. Në këto komunikime pranohej ekzistenca e detyrimit financiar dhe përmendeshin afate të ndryshme për kthimin e shumës, që cilat nuk ishin respektuar.

Situata mori një tjetër rrjedhë, kur gazetarja kontaktoi administratoren Ermelinda Sinani. Menjëherë pas telefonatës, kjo e fundit i dërgoi mesazh qytetares dhe kreu një pagesë të parë prej 800 mijë lekësh, duke premtuar, se pjesa e mbetur do të likuidohej brenda afatit të caktuar.

Më pas, Ermelinda Sinani shleu të gjithë detyrimin financiar prej 3 milionë lekësh ndaj qytetares, duke i dhënë zgjidhje problemit, që vijonte prej më shumë se një viti.

“Në datë 27 është bërë dhe likujdimi i pjesës së mbetur. Kisha rreth një vit me këtë problem dhe m’u zgjidh për një javë. Faleminderit!”./ Tv Klan 





Lajmet e fundit nga