web counter
LEXO PA REKLAMA!

SHKARKO APP

App Store
Google Play

SKANDAL/ Kompania shqiptare keqpërdor imazhin e grupit të iso-polifonisë

28 Maj 2026, 18:30, Denoncim CNA

Idetë e marketingut nga kompanitë shqiptare jo pak herë kanë qenë të gabuara, abuzive dhe skandaloze, por rasti më i fundit nga kompania “Erzeni” duket se tejkalon çdo limit. Kjo kompani, në një video promovuese të publikuar pak ditë më parë, ka keqpërdorur imazhin e një grupi iso-polifonik dhe portretet e tyre i ka zëvendësuar me kokë lopësh.

SKANDAL/ Kompania shqiptare keqpërdor imazhin e grupit të
Reklama nga 'Erzeni'

“Erzeni, më të mirë nuk do të gjeni!”,-thuhet në moton e kompanisë, por më kot. Dhe rasti i kësaj fushate reklamimi e dëshmon qartë.  Nuk mund të gjendet një reklamim më i dobët, denigrues dhe banal, me në qendër pikërisht elementët e traditës dhe kulturës së blerësit.

Nuk bëhet fjalë për një reklamë të thjeshtë për produktet e qumështit dhe nënllojeve të tij, por për një fyerje dhe tallje me kostumin popullor, traditën dhe kulturën e vendit.

Kompania "Erzeni" mbase ka harruar rastin e reklamimit të “Parmalat”-it në Spanjë, me klubin e Barcelonës, kur i ranë ndjeshëm edhe shitjet.

Ky, për “Erzenin”, është një tjetër vendim i gabuar dhe këtë duhet ta kuptojnë mirë, veçanërisht ata që e kanë aprovuar.

Ndoshta kjo kompani synon të tërheqë vëmendjen dhe të ndjellë reagim përmes këtij marketingu, por nuk duhet harruar se mund të sjellë edhe bojkot të produkteve.

Po sikur e gjithë Labëria të refuzojë produktet “Erzeni”, për shkak të fyerjes që iu bëhet atyre, përmes keqpërdorjes së imazhit të atyre që sot këndojnë atë që është thelbi i kulturës dhe traditës shqiptare.

SKANDAL/ Kompania shqiptare keqpërdor imazhin e grupit të

Elementë e iso-polifonisë jo vetëm janë përdorur në një mënyrë të shëmtuar, por edhe përtej çdo lloj ndjeshmërie kombëtare.

Një postim i tillë, nuk është as në dukje e as në përmbajtje “viral” apo “trend”, pasi fyen drejtpërdrejtë një nga traditat shqiptare, që vlerësohet edhe më gjerë përtej Shqipërisë. Si e tillë, do të duhet të vihet re edhe nga organet kompetente.

Iso-polifonia popullore shqiptare është pjesë e listës së trashëgimisë botërore dhe në vitin 2005 u shpall nga UNESCO si "Kryevepër e Trashëgimisë Gojore dhe Jomateriale të Njerëzimit"./CNA





Lajmet e fundit nga