web counter
LEXO PA REKLAMA!

SHKARKO APP

App Store
Google Play

Rruga e shkatërruar prej vitesh/ Bashkia e Tiranës lë në harresë banorët në zonën e Bovillës

20 Maj 2026, 17:32, Denoncim CNA

Në Njësinë Administrative Zall-Herr, në zonën e njohur si Pinar, banorët po përballen çdo ditë me vështirësi për shkak të gjendjes së amortizuar të rrugës. Segmenti është i mbushur me gropa dhe dëmtime të shumta, duke e bërë qarkullimin të vështirë dhe problematik, sidomos gjatë ditëve me mot të keq dhe reshje shiu, kur rruga bëhet pothuajse e pakalueshme për automjetet dhe këmbësorët.

Kjo rrugë nuk shërben vetëm për banorët e zonës, por është edhe një nga akset që të çon drejt Liqenit të Bovillës, një prej destinacioneve më të vizituara pranë Tiranës, por e lënë në harresë nga bashkia e kryeqytetit. Megjithatë, segmenti mbetet i amortizuar dhe i lënë pas dore, pavarësisht fluksit të turistëve vendas dhe të huaj që e përdorin atë për të vizituar zonën.

Rruga e shkatërruar prej vitesh/ Bashkia e Tiranës lë në

Banorët shprehen për CNA jashtë kamerave se situata është e njëjtë prej vitesh dhe se ndihen të harruar nga Bashkia e Tiranës. Ata përballen çdo ditë me baltë, gropa dhe dëmtime të automjeteve, veçanërisht gjatë reshjeve të shiut, duke e bërë jetesën dhe qarkullimin shumë të vështirë.

Ndërkohë, turistët që vizitojnë Bovillën përballen me një infrastrukturë të papërshtatshme, çka lë një përshtypje negative për një zonë me potencial të lartë turistik. Banorët dhe vizitorët kërkojnë ndërhyrje urgjente për rehabilitimin e rrugës, duke theksuar se një zonë me rëndësi turistike dhe një komunitet rezident nuk mund të mbeten në këtë gjendje për një kohë të gjatë./CNA





Lajmet e fundit nga