web counter
LEXO PA REKLAMA!

SHKARKO APP

App Store
Google Play

Godina e braktisur terrorizon banorët/ Drogë, mbeturina dhe rrezik për jetën!

19 Maj 2026, 21:28, Denoncim CNA

Godina e braktisur terrorizon banorët/ Drogë, mbeturina dhe rrezik

Rasti i radhës i trajtuar në emisionin “Stop”, në Tv Klan, mbrëmjen e sotme, më 19 maj, lidhet me një problematikë në rrugën “Kastriotët”, pranë kthesës së Kamzës, ku ndodhet një ndërtesë e amortizuar prej vitesh, e cila është kthyer në shqetësim serioz për banorët e zonës.

Godina, e cila më herët ka shërbyer si shkollë dhe më pas si qendër votimi, sot është jashtë funksionit dhe është shndërruar në vendgrumbullim mbeturinash dhe strehë për përdoruesit e lëndëve narkotike.

Banorët shprehen, se situata është bërë e padurueshme, jo vetëm për shkak të ndotjes dhe erës së rëndë, por edhe sepse ndërtesa pengon kalimin e lirë të këmbësorëve, të cilët detyrohen të ecin në rrugën e automjeteve, duke rrezikuar jetën.

“Jemi ngritur si banorë, komplet pallati, kemi hedhur firmat dhe në fund pastaj, kjo administratorja, e coi në Bashki. Bashkia e refuzoi një herë, dy herë, tre herë. Domethënë, është e kotë. Nuk e di, se kush fshihet pas kësaj ndërtese.”

Sipas tyre, godina është kthyer edhe në burim infeksionesh, ndërsa frika për të kaluar në atë segment rruge, është shtuar sidomos gjatë orëve të mbrëmjes.

Banorët thonë se kanë bërë ankesa të vazhdueshme pranë institucioneve përkatëse, por deri më tani nuk është marrë asnjë masë konkrete.

Punonjësi i Njësisë Administrative Kashar pohoi: Nuk i administrojmë më ne shkollat. I administron bashkia Tiranë. Nga viti 2005-2006 u bë shkolla e re aty, në fakt dhe kanë kaluar të gjithë nxënësit te shkolla e re.

“Stop” i’u drejtua edhe Bashkisë së Tiranës për një zgjidhje të mundshme, por përgjigjia e saj ishte kontradiktore, sepse edhe pasi njoftuan se godina është verifikuar në terren, sërish bëhet e ditur se kërkesa e banorëve duhet të shoqërohet me hartën ose në pamundësi të saj, me ortofoto të godinës, duke mos i’u përgjgijur në këtë mënyrë problematikës së ngritur të banorëve të zonës./ Tv Klan





Lajmet e fundit nga