E fundit!

18:28 Aktualitet Anar Huseynov

Armenia pas zgjedhjeve dhe e ardhmja e paqes: një këndvështrim azerbajxhanas

Që nga miratimi i Deklaratës së Uashingtonit më 8 gusht 20...

Denoncimi: Grupi që trafikoi 50 tonë kokainë, bleu mbi 15 mijë metër katrorë në Jalë për 54 mijë euro

19 Qershor 2026, 13:29, Denoncim CNA

Denoncimi: Grupi që trafikoi 50 tonë kokainë, bleu mbi 15

Kryetari i Partisë Demokratike, Sali Berisha, denoncoi sot atë që e cilësoi si një tjetër skandal në vend.

Në një konferencë për mediat, Berisha tha se një grup kriminal, përgjegjës për trafikimin e 50 tonëve kokainë vetëm përgjatë vitit 2020-2021, është përgjegjëse për pastrimin e parave në Shqipëri.

Berisha ndau edhe emra konkretë, ndërsa saktësoi se bëhet fjalë për pastrim parash kryesisht në fushën e ndërtimit dhe turizimit, që bleu mbi 15 mijë metër katërorë sipërfaqe toke në Jalë për 54 mijë euro.

“Goditja e fundit ndaj grupit Dritan Gjika, Eldi Dizdari, Shpëtim Aliu, ka çuar në konfiskimin e një morie asetesh dhe kompanish, kryesisht në fushën e ndërtimit dhe turizmit, që përdoreshin për pastrimin e parave të drogës.

Në krye të pastrimit të parave qëndronte Isa Aliu, vëllai i Salvadorit, Shpëtimit, figura qendrore që furnizonte grupin Dizdari-Gjika, përgjegjës për trafikimin e 50 tonëve kokainë vetëm përgjatë vitit 2020-2021.

Por ju tani do të njiheni me habinë e re të narkoshtetit të Edi Ramës.

Në pronat e sekuestruara, mes të tjerash, bie në sy edhe sekuestroja që u bëhet pronave të një ndërtimi që po zhvillohej në zonën e Vunoit.

E keni parasysh Vunoin ju, nuk është gjë Surreli se ç’është Vunoi, ose të themi fshati i Edvinit dhe dajë Kolekës.

Të gjitha të drejtat reale për pasuritë e paluajtshme që përfitohen nga subjekti Seaview Development dhe Aliu Road House nëpërmjet aktit noterial kryerje punimesh për ndërtimin e hotelit Zig-Zag me pesë yje dhe mbi 200 dhoma, në Jalë, Himarë, për të cilin shoqëria Navalno Group ka marrë përsipër bashkëfinancimin në masën 40 për qind dhe lejen e ndërtimit nga AZHT, thuhet në njoftimin që ka bërë SPAK-u për këtë hotel.

Nga hulumtimet tona rezulton se Seaview Development është bijë e kompanisë Aliu Road House dhe ka aplikuar për leje ndërtimi në AZHT në 29 prill të këtij viti dhe ishte i 41-ti në listën e diskutimeve.

Leje ndërtimi për objektin hotel Iberostar Resort me pesë yje, me një, dy, tri dhe katër kate mbi tokë dhe një gjer në pesë kate mbi tokë, me vendndodhje në Jalë, Bashkia e Himarës me objekt zhvillues shoqërinë Seaview Development.

Por ajo që bie në sy është se toka që Isa Aliu ka blerë në breg të detit në Jalë është me çmime jashtëzakonisht të ulëta, qesharake.

Këtë zonë në tokën kadastrale me një sipërfaqe prej 15 mijë metër katrorë, Isa Aliu e ka blerë me vetëm 6 milionë lekë të rinj ose me kursin e kohës e ka blerë gjithsej me 54 mijë euro.

I bie 3-4 euro metri katror.

Përkatësisht, pasuria me numër 3614, 4400 metër katrorë, zona kadastrale 3844 është blerë me 1 milion e 760 mijë lekë.

Pasuria numër 33615, 4200 metër katrorë, zona kadastrale 3844 është blerë me 1 milion e 680 mijë lekë.

Pasuria numër 33616, 6600 metër katrorë, zona kadastrale 3844 është blerë me 2 milionë e 560 mijë lekë.

Pra, siç e shikoni, pranë gjithsej 15 mijë metër katrorë tokë të blera vetëm për 3.2 euro metri katror.

Shiheni ku toka është blerë me 3.2 euro”,-tha Berisha./CNA