web counter
LEXO PA REKLAMA!

SHKARKO APP

App Store
Google Play

E fundit!

x

Dialog muzikor mes artistëve nga Gjermania dhe Shqipëria/ Gert Kapo Quartet në festivalin Gjon Mili Jazz & Blues

7 Korrik 2026, 07:55, Kulturë CNA

Dialog muzikor mes artistëve nga Gjermania dhe Shqipëria/ Gert Kapo

Ambasada Gjermane në Tiranë ka ftuar publikun shqiptar të bëhet pjesë e një mbrëmjeje të veçantë muzikore në kuadër të edicionit të pestë të Gjon Mili Jazz & Blues Festival.

Në skenë do të ngjitet Gert Kapo Quartet, i cili do të prezantojë një program të pasur me xhaz modern, të ndërthurur me elemente të muzikës etno, blues dhe asaj ballkanike.

Koncerti do të sjellë një dialog muzikor mes artistëve nga Gjermania dhe Shqipëria, ku improvizimi, ritmet e larmishme dhe ndikimet kulturore europiane do të krijojnë një përvojë unike për publikun.

Koncerti do të mbahet të enjten, më 9 korrik 2026, në orën 20:00, në Teatrin e Hapur "Mirush Kabashi", në Parkun e Liqenit Artificial në Tiranë.

Hyrja për publikun do të jetë e lirë.

“Bëhuni pjesë e një mbrëmjeje të veçantë në Gjon Mili Jazz & Blues Festival me Gert Kapo Quartet (Gjermani & Shqipëri), i cili do të sjellë një program të pasur me xhaz modern, të ndërthurur me ndikime nga muzika etno, blues dhe ballkanike.

Një dialog muzikor mes artistëve nga Gjermania dhe Shqipëria, ku improvizimi, ritmet e larmishme dhe ndikimet kulturore evropiane krijojnë një përvojë unike koncertale.

 E enjte, 09.07.2026 | Ora 20:00

 Teatri i Hapur "Mirush Kabashi", Parku i Liqenit Artificial, Tiranë

 Hyrja e lirë

Ju mirëpresim në edicionin e 5-të të Gjon Mili Jazz & Blues Festival!”, njofton Ambasada gjermane në Tiranë./ CNA





Lajmet e fundit nga